تۇركىستان وبلىسىنىڭ تۇرعىندارىنا قۇجات اۋىستىرۋ قاجەت پە
ق ر ادىلەت ءمينيسترى مارات بەكەتايەۆتىڭ ايتۋىنشا، وبلىس تۇرعىندارىنا قۇجات اۋىستىرۋدىڭ قاجەتى جوق. «بارلىق جەكە كۋالىكتەر مەن ءتولقۇجاتتار زاڭدى كۇشىن ساقتاي بەرەدى جانە مەرزىمى اياقتالعاندا عانا اۋىستىرىلادى. سوسىن ادام بەلگىلى ءبىر جاسقا كەلگەندە جاڭا كۋالىك بەرىلەدى. بۇدان بولەك، ءتولقۇجاتتىڭ بارلىق پاراقشالارى تولىپ قالعاندا اۋىستىرىلادى»، - دەدى م. بەكەتايەۆ استانادا وتكەن باسپا ءسوز ءماسليحاتىندا.
ءمينيستردىڭ ايتۋىنشا، وبلىس ورتالىعىن تۇركىستانعا اۋىستىرۋعا بايلانىستى قوسىمشا شىعىندار بولمايدى. سەبەبى دايىندىق جۇمىستارى الدىن الا اتقارىلدى.
«ءبىز اتالعان تەرريتوريالدىق وزگەرىستەرگە دايىنبىز. دايىندىق جۇمىستارىن دا الدىن الا باستادىق. ويتكەنى كەز كەلگەن جارلىقتاردىڭ جوبالارى كەلىسۋ ءۇشىن بىزگە دە جىبەرىلەدى. ءبىز ونى كوردىك. سول سەبەپتى دايىندىق جۇمىستارىن ەرتە باستاپ كەتتىك»، - دەپ اتاپ كورسەتتى م. بەكەتايەۆ.
ايتا كەتەيىك، بۇگىن مينيستر حالىق الدىندا ەسەپ بەردى. مينيستر سوت ورىنداۋشىلارىنىڭ قىزمەتىنە قاتىستى زاڭ جوباسىنىڭ پارلامەنتتىڭ قارۋىندا جاتقانىن جەتكىزدى.
«اتاپ ايتقاندا، سوت ورىنداۋشىلارىنىڭ قىزمەتىنە سانكسيا سالۋدى قىسقارتۋ تۋرالى ۇسىنىس بار. بىلايشا ايتقاندا، اتالعان ينستيتۋتتى دامىتۋ شارالارى جالعاسا بەرەدى. سوت ورىنداۋشىلارىن جاۋاپكەرشىلىككە تارتۋ تەتىكتەرى دە قالادى. ءبىراق وكىلەتتىلىكتەردىڭ ءبىراز بولىگى سوتتان سوت ورىنداۋشىلارىنا بەرىلەدى»، - دەيدى م. بەكەتايەۆ.
بۇدان بولەك، باس زاڭگەر پاتەر ساتىپ الامىن دەۋشىلەرگە كەڭەس بەردى. ءمينيستردىڭ ايتۋىنشا، شەتەلگە شىعۋعا قويىلعان شەكتەۋدى الىپ تاستاۋدىڭ ناقتى مەرزىمى بەكىتىلدى.