استانادا كىشى عىلىم اكادەمياسى قۇرىلدى
مەموراندۋم اياسىندا قوس تاراپ «دارىن» ليتسەيى بازاسىندا كىشى عىلىم اكادەمياسىن قۇرۋعا ۋاعدالاستى.
«ماسكەۋ بولات جانە قورىتپا ينستيتۋتى كىشى عىلىم اكادەمياسىن قاجەتتى ماتەريالدىق- تەحنيكالىق قۇرالدارمەن جابدىقتاۋدى ءوز موينىنا الىپ وتىر. اكادەميا دارىندى بالالاردى عىلىمي- زەرتتەۋ جۇمىسقا جۇمىلدىرۋ، ولاردىڭ شىعارماشىلىق قابىلەتى مەن تانىمدىق بەلسەندىلىگىن ارتتىرۋ، ماماندىعىن سانالى تۇردە تاڭداۋعا سەپتەسۋ سياقتى بىرنەشە ماقساتتى كوزدەيدى. جوبا اياسىندا عىلىمي- زەرتتەۋگە ىنتالانعان جاس ءبىلىمپازدار بىرلەستىكتەرى قۇرىلىپ، عىلىمي- پراكتيكالىق كونفەرەنسيالار، بايقاۋلار مەن وليمپيادالار وتەدى. سونداي- اق، ارنايى دارىستەر، تەستىلەۋ، وقۋشىلاردىڭ ءبىلىم دەڭگەيىن كوتەرەتىن سەمينارلار ۇيىمداستىرىلادى» ، - دەلىنگەن دارىن مەكتەبىنىڭ باسپا ءسوز قىزمەتى جىبەرگەن حابارلامادا.
«ماسكەۋ بولات جانە قورىتپا ينستيتۋتى» ۇلتتىق زەرتتەۋ تەحنولوگيالىق ۋنيۆەرسيتەتى - الەمدەگى ىرگەلى عىلىمي- ءبىلىم بەرۋ ورتالىقتارىنىڭ ءبىرى. قۇرىلعانىنا بيىل 100 -جىل تولىپ وتىرعان ءىرى وقۋ ورداسىنىڭ قۇرامىندا 9 ينستيتۋت بار. 2015 -جىلى اشىلعان «دارىن» ليتسەيىندە قازىردە جاراتىلىستانۋ- ماتەماتيكالىق باعىتتاعى پاندەردى تەرەڭدەتىپ وقيتىن 615 وقۋشى ءبىلىم الادى.