عالىمدار ونداعان جىل بويى ەمى تابىلماعان قاتەرلى ىسىكتى ەمدەۋدىڭ جولىن تاپتى

None
None
 استانا. قازاقپارات - گلازگو ۋنيۆەرسيتەتىنىڭ عالىمدارى حيميوتەراپياعا ارنالعان ءدارى-دارمەكتەردىڭ بەلسەندىلىگىن زەرتتەۋ بارىسىندا قاتەرلى ىسىككە قارسى ارنايى ءدارى-دارمەكتەر قۇرامىندا قولدانىلاتىن EGFR ينگيبيتورلارىنىڭ قوسىمشا ەممەن قاتارلاسا وتىرىپ ونكولوگيالىق اۋرۋلاردىڭ اۋىر تۇرلەرىن ەمدەي الاتىنىن انىقتادى.

بۇل تۋرالى Science باسىلىمىنا سىلتەمە جاساپ Stan.kz حابارلايدى.

ماماندار اتالعان ەمنىڭ جاڭا ءادىسىن زەرتحانالىق جاعدايدا ىشكى اعزالاردى، وكپەنى زاقىمدايتىن ونكولوگيالىق اۋرۋدىڭ اۋىر ءتۇرى ادەنوكارتسينوماعا قارسى قولدانىپ كورگەن. EGFR ينگيبيتورلارىنىڭ ەكىنشى بۋىنى KRAS گەندەرىنىڭ بەلسەندىلىگىنە اسەر ەتە الاتىن قابىلەتى بايقالعان.

ايتا كەتسەك، بۇعان دەيىن KRAS گەندەرىنىڭ سەبەبىنەن وكپەنىڭ قاتەرلى ىسىگىن ءداستۇرلى ەممەن ەمدەۋ مۇمكىن بولماعان ەدى.

قازىرگى ۋاقىتتا عالىمدار جاڭا ءادىستى سەرتيفيكاتتاۋمەن جانە تاجىريبەلىك-زەرتحانالىق كەزەڭنەن كلينيكالىق زەرتتەۋگە اۋىسۋعا دايىندالۋدا.

ەگەر قاتەرلى ىسىكتى ەمدەۋدىڭ بۇل ءادىسىنىڭ تيىمدىلىگى دالەلدەنسە، وكپەنىڭ قاتەرلى ىسىگىن جەڭۋ مۇمكىن بولادى.

سوڭعى جاڭالىقتار