14:32, 22 - ماۋسىم 2018 | GMT +6
قازاقتار تۋرالى فيلم ءتۇسىرىپ جۇرگەن تانىمال قازاق رەجيسسەرى يراندا قاماۋعا الىندى
استانا. قازاقپارات - قازاقستاندىق دەرەكتى فيلمدەر رەجيسسەرى، سەناريشى ءارى وپەراتور قانات بەيسەكەيەۆ يراندا قاماۋعا الىندى.
بۇل تۋرالى ونىڭ PR- مامانى الىشەر ەلىكبايەۆ ايتتى.
«مەن قانات بەيسەكەيەۆتىڭ ۇستالعانىن راستايمىن. ونى يران پوليتسياسى ۇستادى. كەشە بولۋى كەرەك. مەنىڭ بىلۋىمشە، ونىڭ بارلىق قۇرىلعىلارى، كوپتەر، حاردتار، كومپيۋتەرى تاركىلەندى»، - دەيدى ەلىكبيەۆا.
سونداي-اق، ول بەيسەكەيەۆتىڭ يراندا قازاقتار تۋرالى دەرەكتى فيلم ءتۇسىرىپ جۇرگەنىن ايتتى.
بۇعان دەيىن رەجيسسەر وسى ماقساتتا موڭعوليادا، وزبەكستاندا بولعان ەدى.
«ول جاقتا بەيسەكەيەۆتىڭ پوليتسيامەن قيىندىقتارى بولعان جوق»، - دەيدى ەلىكبايەۆ.
ايتا كەتسەك، قانات بەيسەكەيەۆ - دەرەكتى فيلمدەر تۇسىرەتىن قازاقستاندىق رەجيسسەر، سەناريشى، وپەراتور. ونىڭ تۋىندىلارىنىڭ قاتارىندا امەريكالىقتار اسىراپ العان قازاقستاندىق بالالار تۋرالى «بالا»، اياعىنان ايىرىلعان قازاقستاندىق ءبيشى تۋرال «بيلەگىم كەلەدى» فيلمدەرى بار.