استانادا «ت م د ارۋى» بايقاۋى وتەدى

استانا. قازاقپارات - بايقاۋ قازاقستاندا تۋريزم مەن قاتىسۋشى ەلدەر اراسىنداعى مادەنيەتتى دامىتۋ ماقساتىندا ۇيىمداستىرىلۋدا، دەپ حابارلايدى قازاقپارات ءتىلشىسى.

باستاۋىن 1996-جىلدان الاتىن ت م د ارۋى اتاعى ءۇشىن 16 ەلدەن 25 تەن استام سۇلۋلار باعىن سىنايدى. بايقاۋدا ءوز ەلىن تانىستىراتىن ارۋلار بۇعان دەيىن بىرنەشە ساتىدان تۇراتىن ىرىكتەۋ كەزەڭدەرىنەن ءوتتى.

سايىستا ارۋلار ءوز ەلدەرىنىڭ ۇلتتىق كيىمى مەن كەشكى ءساندى كيىمدە ءسان كورسەتەدى.

«ءبىز ءۇشىن بۇنداي كەڭ كولەمدەگى شارانى وتكىزۋ - ۇلكەن جاۋاپكەرشىلىك. ماقسات - ت م د ەلدەرى اراسىنداعى دوستىق قارىم-قاتىناستى نىعايتۋ. قازاقستاننىڭ اتىنان بايقاۋدا بىرنەشە ارۋ باعىن سىنايدى، ونىڭ ەكەۋى بەلگىلى، ءۇشىنشى ارۋعا ىرىكتەۋ 1- شىلدەگە دەيىن ينستاگرام الەۋمەتتىك جەلىسى ارقىلى جۇرۋدە»، - دەيدى «Velada Group» حالىقارالىق سۇلۋلىق اگەنتتىگىنىڭ باس ديرەكتورى، قازاقستاندا ت م د ارۋى-2018 بايقاۋىنىڭ ۇيىمداستىرۋشىسى زارينا كوپتىلەۋوۆا.

ودان بولەك، بايقاۋعا قاتىسۋشى ت م د ارۋلارى استاناعا سايىستان 10 كۇن بۇرىن كەلىپ، قازاق ەلىنىڭ قوناقجايلىعىمەن جانە استانانىڭ كورىكتى جەرلەرىمەن تانىسىپ، سونىمەن قاتار قايىرىمدىلىق شارالارىنا قاتىسادى.

شارا «رۋحاني جاڭعىرۋ» باعدارلاماسى اياسىندا، استانانىڭ 20 جىلدىق مەرەيتويىنا وراي ۇيىمداستىرىلۋدا. سۇلۋلىق بايقاۋىنا الەمدىك دەڭگەيدەگى ەسترادا جۇلدىزدارى مەن ءسان الەمىنىڭ كورنەكتى وكىلدەرى، ديزاينەرلەر قاتىسادى دەپ كۇتىلۋدە.