تولەرانتتىلىق پەن توزىمدىلىكتىڭ اراجىگى نەدە - نۇرسۇلتان نازاربايەۆتىڭ جاۋابى

استانا. قازاقپارات - تولەرانتتىلىق پەن توزىمدىلىك اراسىنداعى ايىرماشىلىق قانداي؟ ءدال وسى ساۋالعا ق ر پرەزيدەنتى تەلەراديو كەشەنى تاراتقان ۆيدەو ماتەريالدا ەلباسى نۇرسۇلتان نازاربايەۆ جاۋاپ بەرەدى، دەپ حابارلايدى قازاقپارات ءتىلشىسى.

«توزىمدىلىك بار، تولەرانتتىلىق بار. توزىمدىلىكتى وزىمە ۇنامايتىن ادامنان كورەمىن، مەن وعان توزىمدىلىك تانىتامىن. ياعني ادامنىڭ پروبلەماعا پاسسيۆتى قارىم-قاتىناسى. ال تولەرانتتتىلىق ادامنىڭ اكتيۆتى قارىم-قاتىناسى. تولەرانتتىلىق - بۇل توزىمدىلىك ەمەس. بۇل - ءوزارا تۇسىنىستىك، ىنتىماقتاستىق. تولەرانتتىلىق ءبىر كۇننىڭ ىشىندە تۋمايدى. ول تاريحي قالىپتاسادى»، - دەدى نۇرسۇلتان نازاربايەۆ.