باس زاڭگەر پاتەر ساتىپ الامىن دەۋشىلەرگە كەڭەس بەردى
«اشىعىن ايتۋ كەرەك، قارجى داعدارىسىنا دەيىن بولعان الاياقتىقتان ءبىراز ادامدار زارداپ شەكتى. مەملەكەت دە كۇيىپ قالدى. قازىر زاڭنامادا بارلىق ماسەلەلەر ەسكەرىلدى. قۇرىلىس كومپانياسىندا قاجەتتى قارجى عانا ەمەس، رۇقسات قاعازدارى دا بولۋى شارت. سوسىن ونىڭ قىزمەتى قاتاڭ باقىلانادى. باسقالار ۇلەسكەرلەردىڭ قارجىسىن تارتا المايدى»، - دەدى م. بەكەتايەۆ حالىققا ەسەپ بەرۋ كەزدەسۋى كەزىندە.
ءمينيستردىڭ ايتۋىنشا، ۇلەسكەرلىك قۇرىلىسقا قاتىسقاندا كومپانيانىڭ بارلىق رۇقسات قاعازدارىن قاراپ شىققان دۇرىس. بۇدان بولەك، كەلىسىمشارتتى مۇقيات وقۋ قاجەت. «سوسىن كاسىبي ادۆوكاتتان نەمەسە زاڭگەردەن كەڭەس العان دا ارتىق بولمايدى. وعان اقشانى اياماڭىزدار. ايتپەسە، ساراڭدىقتىڭ كەسىرىنەن ەكى ەسە شىعىن شىعارۋعا تۋرا كەلەدى»، - دەپ اتار كورسەتتى م. بەكەتايەۆ.
ايتا كەتەيىك، كەزدەسۋ كەزىندە مينيستر سوت ورىنداۋشىلارىنىڭ قىزمەتىنە قاتىستى زاڭ جوباسىنىڭ پارلامەنتتىڭ قارۋىندا جاتقانىن جەتكىزدى. «اتاپ ايتقاندا، سوت ورىنداۋشىلارىنىڭ قىزمەتىنە سانكسيا سالۋدى قىسقارتۋ تۋرالى ۇسىنىس بار. بىلايشا ايتقاندا، اتالعان ينستيتۋتتى دامىتۋ شارالارى جالعاسا بەرەدى. سوت ورىنداۋشىلارىن جاۋاپكەرشىلىككە تارتۋ تەتىكتەرى دە قالادى. ءبىراق وكىلەتتىلىكتەردىڭ ءبىراز بولىگى سوتتان سوت ورىنداۋشىلارىنا بەرىلەدى»، - دەيدى م. بەكەتايەۆ.