بويجەتكەن كەك ءۇشىن پوليتسەي بولىپ، بالا كەزىندە ءوزىن زورلاپ كەلگەن ەر ادامدى تۇرمەگە جاپتى
برازيليالىق بويجەتكەن تاباتا فابريتسيو (ەسىمدەرى وزگەرتىلگەن) ەسىمدى ازاماتتى اقىرى تۇرمەگە جاپتى.
تاباتا 9 جاستا بولعاندا فابريتسيو وعان تيىسە باستاعان. ول قىزدىڭ وتباسىلىق دوسى بولعان. الايدا اتا-اناسى ودان ەش كۇدىكتەنبەپتى. فابريتسيو تاباتانى 2 جارىم جىل زورلاپ كەلگەن. بۇل جايلى ەشكىم بىلمەگەن، دەپ جازادى BBC.
قىزدىڭ ءوزى دە اتا-اناسىنا ايتۋعا قورىققان. اكەسى دوسىن ءولتىرىپ، سوتتالىپ كەتە مە دەپ قورىققان.
قورلىققا توزگىسى كەلمەي ايتۋعا وقتالعاندا اناسى اۋىرىپ قالعان. اكەسىنىڭ دە فابريتسيونىڭ ايەلىمەن كوڭىلدەس ەكەنىن بىلگەن. بۇل جايلى تەك 16 جاسىندا اناسىنا ايتىپ بەرەدى. اناسى فابريتسيونىڭ وزگە دە بۇلدىرشىندەردى زورلاعانىن ايتقان. وعان توزبەگەن تاباتا اقىرى ونى جازالاۋدى ويلاستىرادى. سول ءۇشىن پوليتسيا ماماندىعىن وقيدى.
پروكۋراتۋراعا ارىز جازعانىمەن ءىس بىرنەشە جىلعا سوزىلىپ كەتەدى. فابريتسيو سوتتا تاباتانىڭ اكەسى ايەلىمەن كەزدەسكەنى ءۇشىن ادەيى جالا جابۋدا دەپ اقتالادى. اقىرى سوت ونىڭ كىناسىن دالەلدەپ، 7 جارىم جىلعا سوتتايدى.
تاباتا 24 جاسىندا پوليتسيا اكادەمياسىن ءبىتىرىپ، زورلانعان بالالاردىڭ ءىسىن اشۋدى قولعا الادى.
«فابريتسيونى مەنىڭ ارىپتەسىم ۇستادى. ونى ءوز قولىممەن تۇرمەگە جاپقىم كەلگەن ەدى»، - دەيدى تاباتا.
فابريتسيو تۇرمەدەگى ءتارتىبى ءۇشىن مەرزىمىنەن ءبىر جىل ەرتە شىعادى.
تاباتا وزگە اتا-انالارعا زورلىقتىڭ الدىن الىپ، بالالارىنا باس-كوز بولۋدى سۇرايدى. بالالارىنا ۇلكەندەر تيىسكەن جاعدايدا ايتۋعا ۇيرەتۋ كەرەك ەكەنىن ايتادى.
Stan.kz