سوت بانكير جومارت ەرتايەۆتىڭ ايەلىن تۇتقىنداۋعا بۇيرىق بەردى
اتىشۋلى بانكيردىڭ جۇبايى نۇرگۇل ەرتايەۆا اسا ءىرى كولەمدە الاياقتىق جاسادى دەپ كۇدىكتەلۋدە، دەپ حابارلايدى ك ت ك ارناسى.
15- ماۋسىمدا ەرتايەۆاعا ىزدەۋ جاريالاندى. نۇرگۇل ەرتايەۆا RBK Bank ا ق ديرەكتورلار كەڭەسىنىڭ مۇشەسى رەتىندە بانكتەن 7 ميلليون ا ق ش دوللارىن ۇرلاماقشى بولعان. قورعاۋشى سوتتا ەرتايەۆانىڭ بۇل اقشانى سىڭىلىسىنە بەرگەنىن ايتىپ، ونى قاماۋعا الماۋىن سۇرادى.
ءبىراق «مەدەۋ» سوتى ەكى ايدىڭ ىشىندە الدىن-الۋ شاراسىن تاڭداۋعا شەشىم قابىلدادى.
ەستەرىڭىزدە بولسا نۇرگۇل ەرتايەۆانىڭ جۇبايى جومارت ەرتايەۆ مامىر ايىندا ماسكەۋدە ۇستالعان بولاتىن. تەرگەۋ نۇسقالارى بويىنشا، ول RBK Bank ا ق ديرەكتورلار كەڭەسىنىڭ كەڭەسشىسى بولا وتىرىپ، ج ش س اتىنان قايتارماۋ ماقساتىندا 80 ميلليون دوللارعا نەسيە العان. قازىرگى ۋاقىتتا ەرتايەۆ رەسەي استاناسىندا ءۇي قاماۋىندا وتىر.