مەنينگيت، بەزگەك، قۇس تۇماۋى: دارىگەرلەر تۋريستەر ءۇشىن قاۋىپتى مەملەكەتتەردى اتادى

استانا. قازاقپارات - قازاقستاندىقتار شەتەلدىك شيپاجايلاردان ءتۇرلى ينەفكسيالار مەن ۆيرۋستاردى الىپ كەلۋدە. سانيتارلىق ەپيدەميولوگ مامانداردىڭ سوزىنشە، قازىرگى ۋاقىتتا ۋكراينا، رەسەي، گەرمانيا، يسپانيادا قىزىلشا دەرتى تاراعان.

گوللانديادا مەنينگيت ءورشىپ تۇر. ال تايلاندتا دەنگە بەزگەگىنە شالدىققاندار سانى ارتۋدا.

بۇل تۋرالى 31- ارنا حابارلايدى.

سانيتارلىق دارىگەرلەر تۋريستەردى ەكى ساناتقا بولەدى. ولار مەيمانحانادا عانا دەمالىپ، مەملەكەتتىڭ كورىكتى جەرلەرىن تاماشالاۋعا سيرەك باراتىنداردى پاسسيۆتى دەپ اتاسا، ال «جابايى تۋريزمدى» قۇپ كورىپ، قاۋىپتى جەرلەردى ارالاعاندى ۇناتاتىنداردى بەلسەندى دەپ اتايدى. الايدا بۇل قاتارداعى سوڭعىلارى كوپ جاعدايدا ءتۇرلى ينفەكسيا جۇقتىرىپ، ونى ەلگە الىپ كەلەدى ەكەن.

«مەنىڭ بىلۋىمشە، تۋريستەردىڭ كوبى مىسىر، تۇركيا، اراب امىرلىكتەرىنە اعىلادى. بۇل مەملەكەتتەرگە ا، ب، س سارى اۋرۋى، بەزگەك اۋرۋى ءتان. ال ۋكراينا، رەسەي، پولشا جانە باسقا دا ەۋروپالىق مەملەكەتتەردە قىزىلشا دەرتى تاراپ، ناۋقاستار سانى ارتۋدا. سونداي-اق، مەنينگوكوكك ينفەكتسياسى دا بار»، - دەيدى الماتى قالالىق قوعامدىق دەنساۋلىق ساقتاۋ دەپارتامەنتىنىڭ باسقارۋشىسى ايزات مولداعاسىموۆا.

مامانداردىڭ ايتۋىنشا، ءار مەملەكەتكە وزىندىك ينفەكتسيا ءتان كورىنەدى. تاياۋدا قازاقستاندىقتاردى شوشىتقان مەنينگيت دەرتى قازىرگى ۋاقىتتا نيدەرلاندىدا ءورشىپ تۇر. ءۇندىستاندا تىرىسقاق دەرتىنە شالدىققاندار سانى ارتۋدا. وڭتۇستىك-شىعىس ازيادا بەزگەك پەن تۇماۋ تاراپ جاتىر. افريكا وڭىرلەرىندە بەزگەك، تىرىسقاق، دەنگە بەزگەگى جايلاعان. ال قىتايدا ەنتەروۆيرۋس ينفەكتسياسىنان باستاپ، قۇس تۇماۋىنا دەيىنگى ءتۇرلى اۋرۋلاردى جۇقتىرىپ الۋعا بولادى.