قازاقستان مەن وزبەكستان پروكۋرورلارى بىرلەسىپ جۇمىس ىستەمەك
باس قوسۋعا ەلىمىزدەن باس پروكۋروردىڭ ءبىرىنشى ورىنباسارى عيزات نۇرداۋلەتوۆ پەن باس كولىك پروكۋرورى جانە اقتوبە، ماڭعىستاۋ، قىزىلوردا، تۇركىستان وبلىستارىنىڭ پروكۋرورلارى قاتىستى، دەپ حابارلايدى قازاقپارات ءتىلشىسى.
ال، وزبەكستاندىق دەلەگاتسيانى وسى ەلدىڭ باس پروكۋرورىنىڭ ورىنباسارى ە. ت. يۋلداشيەۆ باستاپ كەلدى. دەلەگاتسيا قۇرامىندا تاشكەنت، سىرداريا، جيزاق، ناۋاي وبلىستىرىنىڭ پروكۋرورلارى دا بولدى.
جيىندا تاراپتار زاڭسىز ەڭبەككە تارتۋ مەن قىلمىستىق قۋدالاۋ شەڭبەرىندەگى حالىقارالىق تاپسىرمالاردى ورىنداۋ، سونداي-اق سوتتالعان وزبەكستان رەسپۋبليكاسى ازاماتتارىن بەرۋ مەن شەكاراداعى وتكىزۋ-باقىلاۋ بەكەتتەرىنەن اۆتوكولىكتىك اينالىم جاساۋ ماسەلەلەرىن تالقىلادى. قاتىسۋشىلار شەكارالىق قارىم-قاتىناس پەن ەكى ەل پروكۋراتۋرالارىنىڭ ءوزارا ارەكەتتەسۋى، ەكىجاقتى كەلىسىمدى ودان ءارى قاراي جەتىلدىرۋ ۆەدومستۆوارالىق ىنتىماقتاستىقتىڭ نىعايۋىنا الىپ كەلەتىندىگىن اتاپ ءوتتى.
كەزەسۋ سوڭىندا قازاقستان رەسپۋبليكاسىنىڭ باس پروكۋراتۋراسى جانە وزبەكستان رەسپۋبليكاسىنىڭ باس پروكۋراتۋراسى وكىلدەرى زاڭسىز ەڭبەككە تارتۋدىڭ الدىن الۋ مەن سوتتالعانداردى بەرۋ جانە قىلمىستىق قۇقىقتىق سالاداعى حالىقارالىق تاپسىرمالاردى ورىنداۋعا باعىتتالعان ءبىرقاتار قۇجاتتارعا قول قويدى.