سەمسەرلەسۋدەن ازيا چەمپيوناتىندا ەل قورجىنىنا ەكىنشى كۇمىس جۇلدە ءتۇستى
ۇ و ك- باسپا ءسوز قىزمەتى تاراتقان مالىمەتكە سۇيەنسەك، دميتري الەكسانين، ەلمير اليمجانوۆ، رۋسلان كۋربانوۆ جانە ۆاديم شارلايموۆتان تۇراتىن ءبىزدىڭ قۇراما العاشقى اينالىمدا تايلاندتى 45:25 ەسەبىمەن ۇتسا، ەكىنشى كەزەڭدە گونكونگ قۇراماسىن 45:41 ەسەبىمەن جەڭدى.
ال جارتىلاي فينالدىق باسەكەدە الەمدىك رەيتينگتە ءبىرىنشى ورىندا تۇرعان وڭتۇستىك كورەيا قۇراماسىن 45:39 ەسەبىمەن تىزە بۇكتىردى.
وكىنىشكە قاراي، التىن ءۇشىن ايقاستا قازاقستان قۇراماسى قىتايلىقتاردان ءبىر ۇپاي ايىرماسىمەن، 45:44 ەسەبىمەن ۇتىلىپ قالدى. وسىلايشا، ەل قورجىنىنا ازيا چەمپيوناتىنىڭ تاعى ءبىر جۇلدەسى ءتۇستى.
ەسكە سالا كەتەيىك، وسىعان دەيىن دميتريي الەكسانين شپاگادان كۇمىس جۇلدە يەلەنسە، سابلياشى قىزدار چەمپيوناتتىڭ قولا مەدالىنە قول جەتكىزگەنى تۋرالى جازعان بولاتىنبىز.
اۆتور: كۇنسۇلتان وتارباي