جولبارىس زووباق كەلۋشىلەرىن اڭدىپ، ادامدارعا شابۋىلداماقشى بولدى

استانا. قازاقپارات - امەريكانىڭ لۋيزيانا شتاتىنداعى باتون-رۋج قالاسىندا حايۋاناتتار باعىنا كەلۋشىلەر جولبارىستىڭ سۋرەتكە ءتۇسىپ تۇرعان ادامدى اڭدىپ، وعان شابۋىلداماقشى بولعانىن ۆيدەوعا ءتۇسىرىپ العان.

بۇل تۋرالى The Daily Mail حابارلادى، دەپ جازادى Stan.kz اقپاراتتىق اگەنتتىگى. ۆيدەودان ەر ادامنىڭ اينەك قورشاۋعا تەرىس قارىپ، سۋرەتكە ءتۇسىپ تۇرعانىن كورۋگە بولادى. ال سول ۋاقىتتا جولبارىس شابۋىلعا دايىندالىپ، مۇقيات سۋعا كىرىپ بارا جاتادى. ۆيدەوداعى جولبارىس لۋيزيانا شتاتىنداعى ۋنيۆەرسيتەتتىڭ رەسمي ماسكوتەرى. شاماسى، ول كەلۋشىنى جەمتىگى دەپ ويلاپ قالىپ، اڭ اۋلاماقشى بولعان. العاشقى شابۋىل ءساتسىز بولعان سوڭ، جىرتقىش دۋالدىڭ بويىمەن ءجۇرىپ، باسقا ادامدارعا قاراپ، تاعى ءبىر رەت قورشاۋعا قاراي سەكىردى.