استانادا اينەك ورىندىقتار پايدا بولدى
بۇل تۋرالى ەلوردانىڭ ءماسليحات دەپۋتاتى ميراس شەكەنوۆ ءوزىنىڭ Facebook پاراقشاسىندا جازدى، دەپ حابارلايدى Stan.kz اقپاراتتىق اگەنتتىگى.
ءماسليحات دەپۋتاتتارى استانانىڭ 20 جىلدىق مەرەيتويىنا ەرەكشە سىيلىق جاسادى. ەلوردا اۋدانداندارىندا اينەكتەردەن جاسالعان ءتورت ورىندىق ورناتىلدى.
«استانا تۇرعىندارى، سىزدەر اينەكتەن جاسالعان ەرەكشە ورىنداردى كورە الاسىزدار. بۇل ءبىزدىڭ قالانىڭ 20 جىلدىق مەرەيتويىنا جاساعان سىيلىعىمىز ەكەنىن بىلە جۇرىڭىزدەر. ماسليحات دەپۋتاتتارى وزدەرىنىڭ قاراجاتىنان اينەكتەردەن جاسالعان ءتورت ەرەكشە جانە انتيۆاندالدى ورىندىقتارعا تاپسىرىس بەرىپ، استانا اۋداندارىنا ورناتتى. بىرەۋى ارباتتا، تاعى ۇشەۋىنىڭ قايدا ورناتىلعانىن تابا وتىرىڭىزدار»، - دەپ جازدى شەكەنوۆ.
ونىڭ ايتۋىنشا، ورىندىقتاردا ماسليحات سايتىنا جانە ونىڭ Facebook پاراقشاسىنا سىلتەمە جاسالىنعان QR- كودتارى بار.