اساد اسكەرى سيريانىڭ وڭتۇستىك- باتىسىندا شابۋىل باستادى

استانا. قازاقپارات - سيريانىڭ وڭتۇستىك-باتىسىنداعى دەراا پروۆينتسياسىندا ۇكىمەت اسكەرى كوتەرىلىسشىلەر شەپتەرىنە شابۋىلىن باستاپ، مىڭداعان ادام باسپاناسىن تاستاپ كەتتى.

لوندوندا ورنالاسقان  ۇيىمىنىڭ مالىمەتىنشە، سوڭعى ءۇش تاۋلىكتە شامامەن 12 مىڭنان استام ادام وپپوزيتسيا كۇشتەرى باقىلايتىن اۋدانداردان كەتىپ قالعان.

باشار اساد اسكەرى داماسك تۇبىندەگى جانە حومس پروۆينتسياسىنداعى كوتەرىلىسشىلەر انكلاۆتارىن باسىپ العان سوڭ اسكەري ءىس-قيمىلدار ەلدىڭ وڭتۇستىك-باتىسىنا ويىسقان.

شابۋىل رەسەي مەن ا ق ش اراسىنداعى كەلىسىمگە ساي دەەسكالاتسيا ايماعى دەپ جاريالانعان اۋماقتاردا ءجۇرىپ جاتىر. ۆاشينگتون ماسكەۋگە دەەسكالاتسيا ايماقتارىنا شابۋىل جاسالعان جاعدايدا «ءتيىستى جانە قاتاڭ جاۋاپ بەرەتىنىن» ەسكەرتكەن.

سيرياداعى قاقتىعىس 2011-جىلى ناۋرىزدا باستالعان. ب ۇ ۇ مالىمەتىنشە، قاقتىعىس بارىسىندا 400 مىڭنان استام ادام قازا تاۋىپ، 10 ميلليوننان استام ادام ءۇي-كۇيىنەن ايىرىلۋعا ءماجبۇر بولدى. 4,6 ميلليون ادام باسقا ەلدەرگە بوسىپ كەتتى.

«ازاتتىق»