عالىمدار جىميىپ ءجۇرۋدىڭ تاعى ءبىر پايداسىن انىقتادى

استانا. قازاقپارات - ادامدار كۇلىپ تۇرعان جاننىڭ بەينەسىن ەسىندە جاقسى ساقتايدى ەكەن. بەيتانىس بىرەۋ جىميىپ نەمەسە باسقا دا جاعىمدى ەموتسيالار بىلدىرسە، ول ۇزاق ۋاقىتقا دەيىن ەستەن كەتپەيدى دەيدى عالىمدار.

بۇل تۋرالى ر ي ا نوۆوستي حابارلايدى.

«ادامنىڭ سۋرەتىنە قاراپ، مىنەزىن تانۋ - ومىرىمىزدە ۇلكەن ماڭىزعا يە. الايدا ءبىزدىڭ ميىمىز بۇل تاپسىرمانى قابىلداۋعا قينالادى. جاساندى قۇجاتتار مەن جەكە مالىمەتتەردى پايدالانۋ - بۇگىنگى كۇننىڭ باستى پروبلەماسىنا اينالعان. سوندىقتان بىزگە ادامداردى تانۋدىڭ جاڭا ءادىسىن تابۋ كەرەك»، - دەيدى يورك ۋنيۆەرسيتەتىنىڭ زەرتتەۋشىسى ميلا ميليەۆا.

ادام ءومىرىنىڭ قالاي وتەتىنىنە ونىڭ بەت- اجارى ايتارلىقتاي اسەر ەتەتىن بولىپ شىقتى. ول ءتىپتى جەكە ومىرىنە عانا ەمەس، مانسابىنىڭ وسۋىنە دە ىقپال ەتەدى ەكەن.

ماسەلەن، 2011-2013-جىلدار ارالىعىندا ساۋالناما جۇرگىزگەن بريتاندىق عالىمدار سىمباتتى ادامداردىڭ IQ دەڭگەيى اناعۇرلىم جوعارى بولاتىنىن انىقتاعان. سونداي-اق ولار جاقسى جۇمىسقا وڭاي ورنالاسىپ، كەز-كەلگەن ىستە جولى بولعىش كەلەدى دەيدى ماماندار.