استانادا تۇڭعىش رەت ساداق اتۋدان قازاقستان بىرىنشىلىگى وتەدى

استانا. قازاقپارات - استانادا تۇڭعىش رەت ساداق اتۋدان قازاقستان چەمپيوناتى وتەدى، دەپ حابارلايدى قازاقپارات ءتىلشىسى.

ۇ و ك- ءنىڭ مالىمەتىنشە 27- ماۋسىمعا دەيىن جالعاساتىن دودا ەلوردا تورىندەگى «جاس باتىر» سپورتتىق كەشەنىنىڭ بازاسىندا ۇيىمداستىرىلادى.

جارىسقا 9 كوماندا، ناقتىراق ايتساق، الماتى، اقمولا، قاراعاندى، پاۆلودار وبلىستارى، و ق و، ب ق و جانە اقتوبە، استانا، الماتى قالالارىنان كەلگەن سپورتشىلار قاتىسادى. ەلوردامىزدا تۇڭعىش رەت وتكەلى وتىرعان چەمپيوناتتىڭ اشىلۋ سالتاناتى 22- ماۋسىم كۇنى ساعات 12:00 گە جوسپارلانعان.

ساداق اتۋدان قازاقستان قۇراماسىنىڭ جەتەكشىسى ەدىل تەمىربەكوۆتىڭ ايتۋىنشا، ەل چەمپيوناتىنان سوڭ ازيا ويىندارىنا قاتىساتىن كوماندا جاساقتالىپ، جازعى ازياداعا تىڭعىلىقتى دايىندىق باستالادى.

اۆتور: كۇنسۇلتان وتارباي