برازيليالىق ويىنشى «اقتوبە» فۋتبول كلۋبىنان كەتتى

None
None
  استانا. قازاقپارات - «اقتوبە» فۋتبول كومانداسى جانە برازيليالىق قورعاۋشى فابريسيو سيلۆا دورنەسسال اراسىنداعى ەڭبەك شارتى ويىنشىنىڭ قالاۋىمەن بۇزىلدى، دەپ حابارلايدى «SPORTINFORM» ساا كلۋبتىڭ رەسمي سايتىنا سىلتەمە جاساپ.

 «مەن بۇل كلۋبپەن جانە قالانىڭ وزىمەن قيماستىقپەن قوشتاسىپ جاتىرمىن. الايدا بۇعان بىرنەشە سەبەپتەر تۇرتكى بولعاندىقتان، وسىلاي جاساۋعا ءماجبۇرمىن. بىرىنشىدەن، وتباسى جاعدايىما بايلانىستى، ال ەكىنشىدەن، بۇل جەردە كەلەشەگىمدى ەلەستەتە المايمىن، سەبەبى كەلىسىمشارتقا قول قويماس بۇرىن، بىزگە ەۋروپا ليگاسىنداعى ورىنعا وينايتىنىمىزدى ايتقان، الايدا سانكسيالاردىڭ كەسىرىنەن 6 ۇپايىمىزدى الىپ قويدى. ءدال قازىر تۋرنيرلىك كەستەنىڭ ەڭ سوڭعى ورنىندا كەلە جاتىرمىز. مەن نەكومەن سويلەستىم، وعان قارىزدىڭ قايتارىلاتىن ءتۇرى جوق. ەندى، مىنە، ويىنشىلاردى ەكى ترانسفەر ماۋسىمىنا تىركەۋگە تىيىم سالىندى. سونداي- اق، ماعان كوماندادان تاعى دا 6 ۇپاي الىناتىنىن ايتتى. كلۋبقا جاڭا مۇمكىندىكتەر سىيلاعانى ءۇشىن راحمەت، ال جانكۇيەرلەرگە ۇنەمى كەرەمەت اتموسفەرا جاساپ، قولداۋ كورسەتكەندەرى ءۇشىن العىسىمدى بىلدىرەمىن. «اقتوبە» مەنىڭ جۇرەگىمدە ماڭگى قالادى» ، - دەدى برازيليالىق فۋتبولشى.

ەسكە سالايىق، كلۋبتا ورناعان جاعداي تۋرالى «اقتوبەنىڭ» باس ديرەكتورى سامات سماقوۆ تۇسىنىك بەرگەن. ونىڭ ايتۋىنشا، كلۋب جۇمىسىن توقتاتۋى مۇمكىن.

سوڭعى جاڭالىقتار