ەلىمىزدىڭ قاي وڭىرىندە حالىق دۇرىس تاماقتانادى؟
مينيسترلىكتىڭ مالىمەتىنشە، بىلتىر ءۇي شارۋاشىلىقتارىن ىرىكتەمەلى زەرتتەۋ دەرەكتەرى بويىنشا تاماق دەپريۆاتسياسىنىڭ دەڭگەيى نەمەسە تاماقتانۋ كالوريالىعى ەڭ تومەنگى شەكتى دەڭگەيدەن دە تومەن حالىقتىڭ ۇلەسى وتكەن جىلمەن سالىستىرعاندا 1,1 پايىزدىق تارماقتى جانە 3,6 پايىز قۇراعان. تاماق تانۋ كالوريالىعى ەڭ تومەنگى شەكتى دەڭگەيدەن دە تومەن حالىقتىڭ ۇلەسى: «2017 -جىلى حالىق تۇتىنعان تاماق ونىمدەرىنىڭ ەنەرگەتيكالىق قۇندىلىعى كۇنىنە ورتاشا جان باسىنا شاققاندا 3192 ككال قۇرادى، بۇل وتكەن جىلعا قاراعاندا 217 ككالعا كوپ. اۋىلدىق جەردەگى حالىقتىڭ تۇتىنۋى قالالىق جەرگە قاراعاندا نەعۇرلىم كالوريالى (قۇنارلى) ەكەندىگىن اتاپ وتۋگە بولادى»، - دەيدى ۆەدومستۆو وكىلدەرى.
حالىق تۇتىنعان تاماق ونىمدەرىنىڭ ەنەرگەتيكالىق قۇندىلىعى: مالىمەتكە سايكەس، وڭىرلىك تۇتىنۋدى قاراستىرا وتىرىپ، ەلىمىزدىڭ بارلىق وڭىرىندە حالىق تۇتىنعان تاماق ونىمدەرىنىڭ ناقتى ەنەرگەتيكالىق قۇندىلىعىنىڭ دەڭگەيى ەنەرگەتيكالىق قۇندىلىقتارعا ەڭ تومەنگى قاجەتتىلىكتەردىڭ دەڭگەيىنەن اسىپ تۇسكەن.
حالىق تۇتىنعان تاماق ونىمدەرىنىڭ ەنەرگەتيكالىق قۇندىلىعىنىڭ ەڭ جوعارى دەڭگەيى شىعىس قازاقستان وبلىسىندا، ال ەڭ تومەنگى - استانا قالاسىندا بايقالعان. 2017 -جىلى وڭىرلەر بويىنشا حالىق تۇتىنعان تاماق ونىمدەرىنىڭ ەنەرگەتيكالىق قۇندىلىعى: «ەگەر حالىق تۇتىنعان تاماق ونىمدەرىنىڭ حيميالىق قۇرامىن قاراستىراتىن بولساق، وندا ەڭ جوعارى ۇلەس سالماعى كومىرسۋتەگىنە كەلەدى. اۋىلدىق جەردەگى حالىق راتسيونىنداعى كومىرسۋتەگىنىڭ ۇلەسى (نان ونىمدەرى جانە جارما ونىمدەرى) قالالىق جەرگە قاراعاندا جوعارى.
قۇرامىندا اقۋىز جانە مايى كوپ (ەت جانە ەت ونىمدەرى، ءسۇت ونىمدەرى جانە جۇمىرتقا) ونىمدەردىڭ ۇلەسى اۋىلعا قاراعاندا قالا تۇرعىندارىندا جوعارى»، - دەيدى ۇەم وكىلدەرى. حالىق تۇتىنعان تاماق ونىمدەرىنىڭ تاۋلىكتىك راتسيونىنداعى تاعامدىق زاتتاردىڭ قۇرامى: كورسەتكىشتەر ADePT ازىق- تۇلىك قاۋىپسىزدىگىنىڭ ستاتيستيكالىق مودۋلىندە بىرىككەن ۇلتتار ۇيىمىنىڭ ازىق- تۇلىك جانە اۋىل شارۋاشىلىعى ۇيىمىنىڭ (FAO) ءادىسناماسى بويىنشا ەسەپتەلگەن.
Kaz.tengrinews.kz