ساعىنتايەۆ لاتىن گرافيكاسىنا كوشىرۋ جونىندەگى ۇلتتىق كوميسسيانىڭ وتىرىسىن وتكىزدى
وتىرىس اياسىندا قازاق ءالىپبيىن 2025-جىلعا دەيىن لاتىن گرافيكاسىنا كەزەڭ-كەزەڭمەن كوشىرۋ جونىندەگى شارالار جوسپارىن ىسكە اسىرۋ بارىسى قارالدى، سونداي-اق، جاڭا ءالىپبيدىڭ ەملە ەرەجەلەرى مەن پەرنەتاقتانىڭ تەحنيكالىق ورنالاسۋىن ازىرلەۋ بويىنشا جۇمىستى ودان ءارى ۇيلەستىرۋ ماسەلەلەرى تالقىلاندى.
قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا - ۇكىمەت جانىنداعى كونسۋلتاتيۆتىك- كەڭەسشى ورگان، ونىڭ نەگىزگى ماقساتى - قازاق ءالىپبيىن لاتىن گرافيكاسىنا كوشىرۋ بويىنشا ۇسىنىستار ازىرلەپ بەكىتۋ، جۇمىس بارىسىن ۇيلەستىرۋ جانە ونىڭ ساپالى ورىندالۋىنا باقىلاۋ جاساۋ.
ءالىپبيدى لاتىن گرافيكاسىنا كوشىرۋ اياسىندا جۇرگىزىلىپ جاتقان جۇمىستىڭ نەگىزگى باعىتتارى بويىنشا مادەنيەت جانە سپورت ءمينيسترى ا. مۇحامەدي ۇلى، ءبىلىم جانە عىلىم ءمينيسترى ە. ساعاديەۆ، اقپارات جانە كوممۋنيكاتسيالار ءمينيسترى د. ابايەۆ بايانداما جاسادى.
ا. مۇحامەدي ۇلى بۇگىندە ءتىل ماماندارىنىڭ قاتىسۋىمەن جۇمىس توبى لاتىن گرافيكاسى نەگىزىندە قازاق ءالىپبيىنىڭ ەملە تۇجىرىمداماسىن ازىرلەگەنىن اتاپ ءوتتى.
«قازىرگى تاڭدا قازاق ءتىلىنىڭ ورفوگرافياسى مەن ەملە ەرەجەلەرىنىڭ نەگىزگى تارتىپتەرىن ازىرلەۋ بويىنشا كۇنتىزبەلىك جوسپاردىڭ كەستەسى دايىندالدى. جالپى، ەلىمىز ءۇشىن ماڭىزدى ءتىل رەفورماسى قازاق ءالىپبيىن 2025-جىلعا دەيىن لاتىن گرافيكاسىنا كەزەڭ-كەزەڭمەن كوشىرۋ جونىندەگى شارالار جوسپارىنا سايكەس جۇزەگە اسىرىلىپ جاتىر»، - دەدى ا. مۇحامەدي ۇلى.
ە. ساعاديەۆ بۇگىنگى تاڭدا ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ قازاق جانە تۇركى تىلدەرىندەگى تەرمين جاسامىنىڭ حالىقارالىق قاعيدالارى مەن ەرەجەلەرىن زەرتتەپ، ۇلتتىق تەرمينولوگيا كريتەريلەرىن ازىرلەگەنىن حابارلادى.
وتىرىس بارىسىندا، سونداي-اق، پرەمەر-ءمينيستردىڭ ورىنباسارى ە. دوسايەۆ، پارلامەنت سەناتىنىڭ دەپۋتاتى م. باقتيار ۇلى، پارلامەنت ءماجىلىسىنىڭ دەپۋتاتى ب. مامرايەۆ، ءتىل ءبىلىمى ينستيتۋتىنىڭ ديرەكتورى ە. قاجىبەك، فيلولوگيا عىلىمدارىنىڭ دوكتورى، اباي اتىنداعى قازاق ۇلتتىق ۋنيۆەرسيتەتىنىڭ كافەدرا مەڭگەرۋشىسى ت. اياپوۆا، ش. شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ە. تىلەشوۆ جانە ت. ب. پىكىر ءبىلدىردى.
ايتا كەتەرلىگى، ۇلتتىق كوميسسيانىڭ ءتورت جۇمىس توبى بار.
ق ر ب ع م جانىنداعى ادىستەمەلىك جۇمىس توبى وقۋ، زەرتتەۋ جانە ونى ءبىلىم بەرۋ جۇيەسىنە كەزەڭ-كەزەڭمەن ەنگىزۋمەن اينالىسادى.
تەرمينولوگيالىق جۇمىس توبى تەرمينولوگيالىق قوردى جۇيەلەندىرۋمەن اينالىسادى.
ق ر م س م جانىنداعى ورفوگرافيالىق جۇمىس توبى لاتىن گرافيكاسى نەگىزىندە قازاق ءتىلىنىڭ ورفوگرافيالىق جانە ورفوەپيالىق ەرەجەلەرىن ازىرلەيدى.
ق ر ا ك م- ءنىڭ تەحنيكالىق جانە اقپاراتتىق سۇيەمەلدەۋ جونىندەگى جۇمىس توبى لاتىن گرافيكاسىنا جانە اقپاراتتىق كەڭىستىككە بەيىمدەۋ جۇمىستارىن ورىندايدى.