08:33, 21 - ماۋسىم 2018 | GMT +6
اتىراۋدا قايىر سۇراعان ادامعا ايىپپۇل سالىندى
اتىراۋ. قازاقپارات - اتىراۋدا قايىرشىلىقپەن اينالىسقان ازاماتشاعا ايىپپۇل سالىندى، دەپ حابارلايدى قازاقپارات ءتىلشىسى.
«اتىراۋ قالاسىنىڭ مامانداندىرىلعان اۋدانارلىق اكىمشىلىك سوتىنىڭ شەشىمىمەن قازاقستان رەسپۋبليكاسىنىڭ ا ق ب ت ك-نىڭ 449-بابىنىڭ 2-بولىگىنە سايكەس، ازاماتشا ح. س. -عا قاتىستى اكىمشىلىك ءىس قارالدى. ح. س. اتىراۋ قالاسى يمانعالي ورتالىق مەشىتى الدىندا جۇرگىنشىلەردى مازالاپ، قايىرشىلىقپەن اينالىسقان. ول بۇعان دەيىن دە وسىنداي ارەكەتى ءۇشىن جاۋاپقا تارتىلعان بولاتىن»، - دەلىنگەن سوتتىڭ حابارلاماسىندا.
سونداي-اق، سوت شەشىمىمەن ح. س. ەسىمدى ازاماتشا كىنالى دەپ تانىلىپ، وعان اكىمشىلىك جازا رەتىندە 15883 تەڭگە كولەمىندە ايىپپۇل سالىندى.