كاتونقاراعايدا تۋريزمنىڭ جاڭا ءتۇرى قولعا الىندى

استانا. قازاقپارات - كاتونقاراعاي اۋدانىندا مادەني- تانىمدىق ءتۋريزمدى دامىتۋ قولعا الىندى، دەپ جازادى التاينيۋس.

اۋدان اكىمى احمەتقالي نۇرعوجيننىڭ ايتۋىنشا، وسى باعىتتاعى نەگىزگى جۇمىستار كاسىپكەرلەردىڭ ءوز قاراجاتى ەسەبىنەن جۇرگىزىلمەك.

سوڭعى جىلدارى تابيعاتى كوركەم بۇل ءوڭىر بەرەل قورعانىنداعى ارحەولوگيالىق قازبا جۇمىستارى كەزىندە تابىلعان قۇندى جادىگەرلەرى ارقىلى ەلىمىزدىڭ عانە ەمەس، الەمنىڭ دە تۋريستەرىنىڭ نازارىن وزىنە اۋدارتتى. سونىمەن قاتار، راحمان قاينارى، مۇزتاۋمەن تانىلعان وڭىردە مادەني- تانىمدىق ءتۋريزمدى دامىتۋ قيىنعا سوقپاس.

جىل سايىن جۇزدەگەن تۋريست اعىلاتىن كاتونقاراعاي اۋدانىندا بيىل «تەمىرلان» دەمالىس بازاسىنىڭ «بايان» ساۋىقتىرۋ كەشەنىن كەڭەيتۋ جۇمىستارى دا جۇزەگە اسىرىلماق. سونداي-اق، بەلقاراعاي اۋىلىندا پانتىمەن ەمدەۋ ورتالىعى اشىلدى.