قازاقستاندا كاسىپكەر ايەلدەردى قولداۋ قورى قۇرىلدى

استانا. قازاقپارات - بۇل تۋرالى «اتامەكەن» ۇلتتىق كاسىپكەرلەر پالاتاسى، ىسكەر ايەلدەر كەڭەسىنىڭ كونگرەسىندە بەلگىلى بولدى، دەپ حابارلايدى قازاقپارات ءتىلشىسى.

وسىدان ەكى جىل بۇرىن قۇرىلعان ىسكەر ايەلدەر كەڭەسى بۇگىندە ەلىمىزدىڭ بارلىق ايماعىندا قانات جايعان. 16 وڭىردە جانە 170 اۋدان ورتالىقتارىندا كەڭەستەر قۇرىلىپ، ولاردى تابىستى قىز- كەلىنشەكتەر باسقارىپ وتىر.

ىسكەر ايەلدەر كونگرەسىندە سونىمەن قاتار ايەلدەر كاسىپكەرلىگىن قولداۋ قورىن قۇرۋ باستاماسى كوتەرىلدى.

 «مۇنداي قوردى قۇرۋ شاعىن نەسيەلەۋ مەحانيزمى ارقىلى قارجى كوزدەرىنە قولجەتىمدىلىكتى ارتتىرادى. بۇعان قوسا، قور يننوۆاتسيالىق ءارى ءتيىمدى شەشىمدەر قابىلداناتىن، قاجەتتى وقۋ كۋرستارى مەن بيزنەستى سۇيەمەلدەۋ قاتار جۇرگىزىلەتىن ايەلدەر كەڭەسىنىڭ وي- تالقى ورتالىعىنا اينالماق» ، - دەدى ىسكەر ايەلدەر كەڭەسىنىڭ ءتورايىمى ءلاززات رامازانوۆا.

شارا بارىسىندا ءلاززات رامازانوۆا ايەلدەر كاسىپكەرلىگىن دامىتۋعا ارنالعان ءبىرقاتار باعدارلامالاردىڭ ىسكە اسىرىلاتىنىن ايتتى.

كونگرەسس قورىتىندىسى بويىنشا «اتامەكەن» ق ر ۇ ك پ مەن ERG ەۋرازيالىق توبى ايەلدەر كاسىپكەرلىگىن دامىتۋ جانە قولداۋ ماسەلەلەرى بويىنشا ءوزارا ىنتىماقتاستىق تۋرالى مەموراندۋمعا قول قويدى.

 مەموراندۋمعا سايكەس ەۋرازيالىق توپ «اتامەكەنگە» قايتارىم نەگىزىندە قارجىلىق قولداۋ كورسەتەدى. بۇل قاراجات قازاقستانداعى ايەلدەر كاسىپكەرلىگىن قولداۋعا جانە دامىتۋعا جۇمسالادى.