تۇركىستان مەن شىمكەنتتىڭ شىعىندارى ارنايى رەزەرۆتەن وتەلەدى - قارجى مينيسترلىگى

None
None
استانا. قازاقپارات - تۇركىستان مەن شىمكەنتتىڭ تەرريتوريالدىق وزگەرىستەرىن ىسكە اسىرۋعا ءبىراز قارجى قاجەت بولادى. ازىرشە، ونى ۇكىمەتتىڭ رەزەرۆىنەن الادى، دەپ حابارلايدى قازاقپارات ءتىلشىسى.

ق ر قارجى ءمينيسترى باقىت سۇلتانوۆتىڭ ايتۋىنشا، شۇعىل شارالارعا جەرگىلىكتى بيۋجەتتەردىڭ قارجىسى دا جۇمسالادى.

«بىزدە ۇكىمەتتىڭ رەزەرۆى بار. اقشانىڭ ءبىر بولىگىن سول جەردەن الامىز. سوسىن جەرگىلىكتى بيۋجەتتەر بار. تاعى بولىگىن سودان الامىز. رەسپۋبليكالىق بيۋجەتتى ناقتىلاۋ كەزىندە ناقتى سومانى انىقتايمىز دەپ ويلايمىن. قازىر انىق ايتا المايمىن. كۇزدە بيۋجەتتى ناقتىلايمىز. وعان دەيىن ۇكىمەتتىڭ رەزەرۆى مەن جەرگىلىكتى بيۋجەتتەردى پايدالانامىز. قارجى شۇعىل قاجەت بولىپ جاتسا، اتالعان ەكى جەردەن الىپ وتىرامىز»، - دەدى ب. سۇلتانوۆ جۋرناليستەرگە بەرگەن سۇحباتىندا.

ايتا كەتەيىك، ق ر پرەزيدەنتى نۇرسۇلتان نازاربايەۆ تۇركىستان وبلىسىنىڭ پايدا بولۋىنا بايلانىستى پىكىر ءبىلدىرىپ، ارنايى قۇجاتقا قول قويعان بولاتىن. اتالعان تاريحي وقيعاعا بايلانىستى ۆيدەونى AkordaPress الەۋمەتتىك جەلىدەگى پاراقشاسىندا جاريالادى.

«بۇگىن «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» زاڭىنىڭ توعىزىنشى بابىنا سايكەس، شىمكەنت قالاسىنا رەسپۋبليكالىق ماڭىزى بار قالا مارتەبەسىن بەرۋ جانە وبلىس ورتالىعىن تۇركىستان قالاسىنا كوشىرۋ تۋرالى جارلىققا قول قويعالى وتىرمىن. بۇدان بىلاي بۇل ءوڭىر تۇركىستان وبلىسى دەپ اتالاتىن بولادى. وسى اكىمشىلىك اۋماقتىڭ قۇرىلىمىنا وزگەرىس ەنگىزۋ ارقىلى بۇل ءوڭىردىڭ وركەندەۋىنە تىڭ سەرپىن بەرۋدى كوزدەگەن تاريحي قۇجات بولىپ سانالادى»، - دەپ اتاپ ءوتتى مەملەكەت باسشىسى.

سوڭعى جاڭالىقتار