مەيىرىمدىلىك، جالقاۋلىق: عالىمدار ادام بويىنداعى كەي قاسيەتتەردىڭ تۇقىم قۋالايتىنىن ايتتى

استانا. قازاقپارات - ماماندار زەرتتەۋ جۇرگىزە وتىرا قىزىقتى جايتتاردى انىقتادى. ادام بويىنداعى كەي قاسيەتتىڭ قانىنان بەرىلەتىنىن ايتتى.

مەيىرىمدىلىك

مامانداردىڭ ايتۋىنشا، مەيىرىمدىلىك ادامعا قورشاعان ورتا مەن تاربيەدەن بولەك قان ارقىلى دا بەرىلەدى.

زەرتتەۋگە سايكەس، ادامداردىڭ كوپشىلىگىنىڭ مەيىرىمدى ەكەنى انىقتالدى. الايدا ادامدار ونى كورسەتە بەرمەيدى.

كەي ادام ساياحاتتاۋدى ۇناتسا، كەي ادام ۇيىنەن شىققىسى كەلمەيدى.

بويىندا سابىرسىزدىق پەن قىزىعۋشىلىعى كوپ ادامدار ساياحاتتاعاندى جاقسى كورەدى. ولار جاڭا ورىنداردى زەرتتەگەندى جاقسى كورەدى، كەز كەلگەن وزگەرىسكە دايىن بولادى. مۇنداي ادامدار كەز كەلگەن تاعامدى، ءتىپتى ەسىرتكىنى تاتىپ كورۋگە دايىن كەلەدى.

جالقاۋلىق

عالىمدار كەمىرگىشتەردى ەكى توپقا ءبولىپ زەرتتەدى. بەلسەندى كەمىرگىشتەردىڭ بالالارى دا بەلسەندى، جالقاۋلارىنىڭ بالالارى دا وزدەرى سەكىلدى جالقاۋ بولاتىنىن ءبىلدى. سوندىقتان جالقاۋلىقتىڭ ادام بويىنا دا تۇقىمنان كەلەتىنىن ايتادى.

كولىك جۇرگىزۋ قاسيەتى

اعزاداعى DBNF اقۋىزى جاڭا ىستەردى ۇيرەنۋگە جانە ەستە ساقتاۋعا، كۇيزەلىسكە تۇسكەن جاعدايدا شەشىم قابىلداۋعا كومەكتەسەدى.

بويىندا وسىنداي اقۋىزى از ادامدار 30 پايىزعا كولىكتى ناشار باسقارادى. جول جۇرگىزۋ كەزىندە باسقالارعا قاراعاندا دۇرىس باعىت الا المايدى. ادامداردىڭ 30-40 پايىزىنا كولىك جۇرگىزۋ قاسيەتى قانى ارقىلى بەرىلەدى ەكەن. ال، كولىك جۇرگىزىپ ۇيرەنۋ تەك گەننەن ەمەس، ادامنىڭ ءوزىنىڭ قىزىعۋشىلىعىنان بولادى.

كەي كوكونىستەردى جەي الماۋ

ادامداردىڭ ەكزوتيكالىق تاعامدارعا، كوكونىستەرگە، كينزا، ءسۇتتىڭ قايماعى سەكىلدى تاعامداردى ۇناتپاۋى دە تۇقىمىنان بەرىلەتىنى انىقتالدى. بۇل اعزاداعى SNP گەنىنىڭ مۋتاتسياعا تۇسكەنىمەن بايلانىستى. الەمدە %4-14 ادامدار كينزاعا جيىركەنىشپەن قارايدى ەكەن.

Stan.kz