الماتى تۇبىندە اينالما تەمىرجول سالىنادى

الماتى. قازاقپارات - الماتى تۇبىندە اينالما تەمىرجولى سالىنادى. بۇل تۋرالى الماتى وڭىرلىك كوممۋنيكاتسيالار قىزمەتىندەگى باسپا ءسوز كونفەرەنسياسى بارىسىندا بەلگىلى بولدى، دەپ حابارلايدى قازاقپارات ءتىلشىسى.

«ق ت ج- جۇك تاسىمالى» ا ق الماتى قالالىق فيليالىنىڭ ديرەكتورى سارسەبەك جاپاروۆ الماتى-1، الماتى-2 ۆوكزالدارىنىڭ احۋالى تۋرالى ايتىپ بەردى.

اتالعان ۆوكزالداردى جوندەۋ جۇمىستارى 2019-جىلعا بەلگىلەنگەن.

«مەن بۇل جوباعا قاتىستىم. الماتى-1 ۆوكزالىندا ارالدىق پلاتفورما، 1 باعىتتاعى ەسكالاتور بار. وسى ەسكالاتورلار بولاشاقتا ەكى جاقتى بولادى. ول تولىعىمەن جابىق بولادى. جەراستى جولىندا دا ەسكالاتورلار بولادى. ءبىرىنشى پەرروندا ەسكالاتور ورناتىلادى. اعىمدار بىرنەشە بولىككە بولىنەدى. الماتىدان كەتەتىن جولاۋشىلار ۆوكزال ارقىلى، كەلەتىندەر تەرمينال ارقىلى جۇرەتىن بولادى»، - دەدى سارسەبەك جاپاروۆ.

ونىڭ ايتۋىنشا، قازىر اتالعان جوبالار بويىنشا كەلىسسوزدەر جۇرگىزىلىپ جاتىر.

جوبا قۇنى شامامەن 200 ميلليارد تەڭگە بولماق.

2020-جىلى «الماتى-2-الماتى-1» ۋچاسكەسىندە اينالما تەمىر جولىنىڭ قۇرىلىسى باستالادى.

ول قالانىڭ تەمىر جول تورابىنان تىس جۇرگىزىلەدى. بۇل ترانزيتتىك پويىزداردى «الماتى-1» ۆوكزالىنا بارماي اينالىپ ءوتۋى ءۇشىن جاسالادى.

«اينالما تەمىر جولى وڭتۇستىك جاعىنان قازىبەك بي ستانساسىمەن، سولتۇستىك جاعىنان جەتىگەن ستانساسىمەن تۇيىقتالادى. تراسسا مويىنقۇم قۇمىنان ۇ ق ك وقۋ پوليگونىنىڭ تۇسىنان وتەدى. ودان ءارى وڭتۇستىك باتىسىندا «الماتى ەكسپلۋاتاتسيالىق ءبولىمى» م م تۇيىسەدى. ودان ءارى جەتىگەنگە كەتەدى. تراسسانىڭ ۇزىندىعى ساعاتىنا 74,9 شاقىرىم. جول 15 شاقىرىمدىق 4 بولىككە بولىنەدى. تراسسادا 3-4 قابىلداۋ-اتتاندىرۋ جولدارى بولادى»، - دەدى جاپاروۆ.