توقايەۆ: قازاقستاندا بيلىك ماڭىندا وليگارح جوق
سۇحبات 20- ماۋسىمدا ВВС News تەلەارناسىنان جانە BBC راديوسىنا شىقتى.
- نازاربايەۆتىڭ بيلىكتە ۇزاق وتىرۋى - تۇراقتىلىقتىڭ بەلگىسى. 2020-جىلعا دەيىن بيلىكتە بولادى. 2020-جىلى نازاربايەۆ 80 جاسقا تولادى. سايلاۋعا قايتا ءتۇسۋدى ءوزى تاڭدايدى. سايلاۋعا ءتۇسىپ جاتسا، ەش سوكەت ەمەس دەپ ويلايمىن. مالايزيادا 92 جاسقا تولعان ادام (ماحاتحير موحاماد-رەد.) پرەمەر-مينيستر بولدى عوي. مۇمكىن 2020-جىلى باسقا كانديداتتاردى كورىپ قالارمىز. مەنىڭشە، ول سايلاۋعا تۇسپەيدى. سايلاۋعا تۇسەدى دەپ ويلامايمىن. بۇل - مەنىڭ جەكە ويىم. ارينە ءبارى نازاربايەۆتىڭ وزىنە بايلانىستى. بىزدە كەلەسى سايلاۋعا دەيىن ۋاقىت بار. باستىسى قازاقستانعا تۇراقتىلىق كەرەك، - دەدى توقايەۆ ВВС ەفيرىندە.
حابار جۇرگىزۋشىسى ستيۆەن ساكۋردىڭ قازاقستانداعى جەمقورلىق تۋرالى سۇراعىنا:
- ادامدار جەمقورلىققا قاتىستى كوپ سىنايدى. ءبىراق قازاقستان كوررۋپتسيامەن كۇرەسىپ جاتقانىن كورە الاسىز. قازىر 400 گە جۋىق شەنەۋنىك كوررۋپتسيا ايىبىمەن تۇرمەدە وتىر. ايتىڭىزشى قاي ەلدە وسىنشاما شەنەۋنىك كوررۋپتسيامەن جاۋاپقا تارتىلدى؟ جۇيەنى كەز كەلگەن ادام سىناي الادى. ءبىراق كوررۋپتسيامەن كۇرەسۋ جۇيەمىز جاقسى جۇمىس ىستەپ جاتىر. قازاقستاندا بيلىكتىڭ ماڭىندا، نازاربايەۆتىڭ ماڭىندا وليگارح جوق، - دەدى سەنات ءتوراعاسى.
وسى تۇستا ВВС جۋرناليسى ستيۆەن ساكۋر نازاربايەۆتىڭ وتباسى مۇشەلەرىنىڭ بايلىعى جايلى اشىق اقپارات بار ەكەنىن ايتىپ، وسى تۋرالى سۇرادى. ول سۇراققا توقايەۆ «بۇل - سپەكۋلياتسيا. ارينە كەيبىرىنىڭ جاعدايى جاقسى. سەبەبى ولار وتە ءبىلىمدى، شەتەلدە وقىعان» دەپ جاۋاپ بەردى.
توقايەۆ سۇحبات كەزىندە «قازاقستاننىڭ دەموكراتيالىق تاڭداۋى» پارتيا ەمەس، زاڭسىز قۇرىلعان ۇيىم» دەدى.
بيىل 13- ناۋرىزدا استانانىڭ ەسىل اۋداندىق سوتى تىركەلمەگەن ق د ت- نى ەكسترەميستىك ۇيىم دەپ تانىپ، ەل اۋماعىندا جۇمىس ىستەۋىنە تىيىم سالعان. ق د ت- نى بۇرىنعى بانكير، 2009-جىلدان بەرى شەتەلدە تۇراتىن مۇحتار ءابليازوۆ قۇرعان.
«ازاتتىق»