ۇ ب ت ناتيجەسىن تەلەگرام ارقىلى بىلۋگە بولادى
«ۇ ب ت ناتيجەلەرىن الۋ ءۇردىسى ۇنەمى جەتىلدىرىلىپ وتىرادى. بۇرىن-سوڭدى تەستىلەۋ ناتيجەلەرى ارنايى تاقتاشالارعا ىلىنگەن بولسا، بۇگىنگى تاڭدا ق ر ب ع م-نىڭ باسقا دا قوسىمشا مۇمكىندىكتەرى بار. ۇ ب ت-2018 ناتيجەلەرىن ەندىگى كەزەكتە Telegram-بوت @edu.gov.kz نەمەسە edu.mail.kz سايتى ارقىلى ۇيدەن شىقپاي-اق بىلۋگە بولادى: ول ءۇشىن تەستىلەۋگە قاتىساتىن ءاربىر تالاپكەرگە بەرىلەتىن ت ج ك (تەست تاپسىرۋشىنىڭ جەكە كودىن) ەنگىزۋ قاجەت»، - دەپ مالىمدەدى مينيسترلىكتىڭ باسپا ءسوز قىزمەتى.
سونداي-اق، تەستىلەۋ قورىتىندىلارىن ۇلتتىق تەستىلەۋ ورتالىعىنىڭ سايتىنان دا بىلۋگە بولادى. بۇل ورايدا تەستىلەۋ ناتيجەلەرىن ت ج ك ارقىلى ءاربىر تالاپكەر ءوزى عانا كورە الادى. جوعارىدا كورسەتىلگەن رەسۋرستارعا ۇ ب ت ناتيجەلەرى اقپاراتتىڭ وڭدەلۋىنە بايلانىستى جاريالانىپ وتىرادى.
ەسكە سالا كەتسەك، بۇگىن مەكتەپ قابىرعاسىنان تۇلەپ ۇشقان تۇلەكتەردىڭ العاشقى لەگى ۇلتتىق ءبىرىڭعاي تەستىلەۋدەن ءوتىپ جاتىر.
بيىل رەسپۋبليكا بويىنشا مەكتەپ بىتىرۋشىلەردىڭ %70، ياعني 102 مىڭى ۇ ب ت تاپسىرادى. استانادا 6 مىڭعا جۋىق تۇلەكتىڭ %90 تەستىلەۋدەن وتەدى. مەكتەپ بىتىرگەن 147 مىڭ تۇلەكتىڭ باسىم بولىگى ۇ ب ت-نى قازاق تىلىندە تاپسىرادى.
ۇ ب ت-دا جالپى 80 مىڭ سۇراق بولادى. 2018 -جىلعا ارنالعان ۇلتتىق ءبىرىڭعاي تەستى سۇراقتارى 50 پايىزعا جاڭارتىلىپ وتىر.
قازاقستاندىق مەكتەپ بىتىرۋشىلەرگە ۇلتتىق ءبىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار ج و و-عا شارتتى تۇردە قابىلدانادى.