مەكتەپ تۇلەكتەرى ءۇشىن باستى سىن: بۇگىن قازاقستاندا ۇ ب ت باستالدى

None
None
استانا. قازاقپارات - مەكتەپ قابىرعاسىنان تۇلەپ ۇشقان تۇلەكتەردىڭ العاشقى لەگى بۇگىن ۇلتتىق ءبىرىڭعاي تەستىلەۋدەن ءوتىپ جاتىر، دەپ حابارلايدى قازاقپارات ءتىلشىسى.

بيىل رەسپۋبليكا بويىنشا مەكتەپ بىتىرۋشىلەردىڭ %70، ياعني 102 مىڭى ۇ ب ت تاپسىرادى. استانادا 6 مىڭعا جۋىق تۇلەكتىڭ %90 تەستىلەۋدەن وتەدى. مەكتەپ بىتىرگەن 147 مىڭ تۇلەكتىڭ باسىم بولىگى ۇ ب ت-نى قازاق تىلىندە تاپسىراتىنى جونىندە بۇعان دەيىن ايتىلعان بولاتىن.

 ۇ ب ت 5 پاننەن تاپسىرىلادى: 3 مىندەتتى ءپان، قالعان 2 ۋى تۇسەتىن ماماندىعىنا سايكەس بەيىندى ءپان.

تاعى ءبىر ايتا كەتەرلىگى، «التىن بەلگى» يەگەرلەرى تەك وزگەلەرمەن بالى بىردەي بولعان جاعدايدا عانا باسىمدىققا يە بولادى. وسى جىلدان باستاپ تۇلەكتەردىڭ  ۇ ب ت- نى اعىلشىن تىلىندە تاپسىرۋعا ەرىك بەرىلدى. مينيسترلىكتىڭ دەرەگىنە سۇيەنسەك، 250 تۇلەك اعىلشىن تىلىندە تاپسىرۋعا ءوتىنىش بىلدىرگەن.

2018 -جىلعا ارنالعان ۇلتتىق ءبىرىڭعاي تەستى سۇراقتارى 50 پايىزعا جاڭارتىلىپ وتىر.  ۇ ب ت- دا جالپى 80 مىڭ سۇراق بولادى.

بيىل ۇلتتىق ءبىرىڭعاي تەستىلەۋ 167 ورتالىقتا، اتاپ ايتقاندا ج و و بازاسىندا 48، كوللەدجەر اراسىندا 3، مەكتەپتەر بازاسىندا 116 ورىندا وتكىزىلەدى. وسى جىلى سونىمەن قاتار، اۋديتوريالارعا ۇيالى بايلانىس سيگنالىن تۇنشىقتىراتىن جاڭا قوندىرعىلار ورناتىلعان. ول قۇرىلعى 4G ۇيالى بايلانىس سيگنالىن دا تاراتپايدى.

قازاقستاندىق مەكتەپ بىتىرۋشىلەرگە ۇلتتىق ءبىرىڭعاي تەستىلەۋدەن وتۋگە ەكى رەت مۇمكىندىك بەرىلەدى. ەكەۋىندە دە قاجەتتى بالل جيناي الماعان بالالار ج و و-عا شارتتى تۇردە قابىلدانادى.

«ەگەر مەكتەپ ءبىتىرۋشى  ۇ ب ت-دا قاجەتتى بالدى جيناي الماسا، وعان تەستتى قايتا تاپسىرۋعا مۇمكىندىك بەرىلەدى. الايدا، ەكىنشى ناتيجەمەن تۇلەك مەملەكەتتىك ءبىلىم گرانتىنا تالاسا المايدى، تەك اقىلى نەگىزدە عانا ءبىلىم الا الادى. بۇل جۇيە باياعىدان بار. ال ەكى مۇمكىندىكتە دە تەستىلەۋدەن وتە الماعان بالالار ج و و- عا شارتتى تۇردە قابىلدانادى جانە ءبىرىنشى سەمەستردىڭ سوڭىندا كەشەندى تەست تاپسىرادى. بۇل جولى قاجەتتى ۇپاي جيناسا، ۋنيۆەرسيتەتتەگى ءبىلىمىن جالعاستىرا بەرەدى. ياعني، بالالاردىڭ جوعارى ءبىلىم الۋى ءۇشىن بارلىق جاعداي جاسالىپ وتىر»، - دەپ ءتۇسىندىردى ق ر ءبىلىم جانە عىلىم ۆيتسە-ءمينيسترى اسحات ايماعامبەتوۆ.

سوڭعى جاڭالىقتار