تۇركىستان قانداي مارتەبەگە دە لايىقتى - بەكارىس شويبەكوۆ

None
None
شىمكەنت. قازاقپارات - وڭتۇستىك قازاقستان وبلىسىنىڭ اتاۋى تۇركىستان وبلىسى بولىپ وزگەرۋى جانە تۇركىستان قالاسىنىڭ وبلىس ورتالىعىنا اينالۋى بۇكىل تۇركى حالىقتارى ءۇشىن ەرەكشە جاڭالىق بولدى.

بۇل وزگەرىستىڭ بارلىعى شاھاردىڭ گۇلدەنۋىنە زور ۇلەس قوسادى. مۇنداي پىكىردى تۇركىستان قالاسىنىڭ تۇرعىنى، بەلگىلى ايتىسكەر اقىن بەكارىس شويبەكوۆ ءبىلدىردى، دەپ حابارلايدى قازاقپارات ءتىلشىسى.

«100 جاڭا ەسىم» جوباسىنىڭ جەڭىمپازى ەلىمىزدىڭ عاسىرلار بويى ساياسي جانە رۋحاني ورتالىعى بولىپ كەلگەن كونە تۇركىستان شاھارىنىڭ دامىپ، وركەندەيتىنىنە سەنىمدى.

«ءبىزدىڭ تۇركىستاندىقتار ءۇشىن بۇل كۇن ەرەكشە تاريحي كۇن بولىپ تۇر. ەلباسىمىزدىڭ جاڭا وبلىس تۋرالى، وبلىس ورتالىعى تۋرالى جارلىققا قول قويۋى شىنىندا وتە ماڭىزدى وقيعا. بۇل بۇكىل ەل كۇتكەن وقيعا دەر ەدىم. سوندىقتان بۇكىل تۇركىستاندىقتاردى، بارشا قازاقستاندىقتاردى وسى ۇلكەن قۋانىشپەن قۇتتىقتاعىم كەلەدى. سەبەبى، تۇركىستان اتاۋى قانداي مارتەبەگە دە، ماداققا دا لايىقتى. ەندى ءبىزدىڭ الدىمىزدا وسىنداي مارتەبەلى اتاققا ساي بولۋ مىندەتى تۇر. جان-جاقتان قارشا بوراعان قۇتتىقتاۋلارىمىزدىڭ ءوزى كوڭىلىمىزدى كوككە شالقىتىپ جىبەردى. العاشقى اسەرىمىزدىڭ ءوزىن ايتىپ جەتكىزە الماي جاتىرمىز»، - دەدى بەكارىس شويبەكوۆ.

 

 فوتو: Today.kz

سوڭعى جاڭالىقتار