الماتىدا سپورتتىق گيمناستيكادان قازاقستان چەمپيوناتى باستالدى
ق ر ۇلتتىق وليمپيادا كوميتەتىنىڭ تاراتقان مالىمەتتەرىنە سۇيەنسەك، تۋرنيرگە ەلىمىزدىڭ ءار وبلىسىنان تاڭداۋلى سپورتشىلار قاتىسىپ جاتىر.
24 -ماۋسىمعا دەيىن سوزىلاتىن دودادا توپ جارعاندار تامىز ايىندا يندونەزيادا وتەتىن جازعى ازيا ويىندارىنا قاتىسادى.
سپورتتىق گيمناستيكادان قازاقستان ۇلتتىق قۇراماسىنىڭ باس باپكەرى الەكساندر كيمنىڭ ايتۋىنشا، ەل بىرىنشىلىگى جاس سپورتشىلاردىڭ كورىنۋىنە جول اشىپ، ۇلتتىق قۇراما ۇزدىكتەرىنىڭ دايىندىعىن ءبىر باعامداپ الاتىن دودا.
«ەلىمىزدەگى سپورتتىق گيمناستيكا ەندى عانا دامي باستادى. ۇلتتىق قۇراما دا، ولاردىڭ ءىزباسارلارى دا ءالى جاس. سوعان قاراماستان، الەم كۋبوگى كەزەڭدەرىنە ءساتتى ونەر كورسەتە باستادى. وسى ورايدا، سپورتشىلاردىڭ جاعدايىن جاساپ، بىزگە قارجىلىق جانە مورالدى كومەك كورسەتىپ وتىرعان قازاقستان ۇلتتىق وليمپيادالىق كوميتەتىنە العىس ايتقىم كەلەدى. الداعى جارىس كۇندەرىندە انىقتالاتىن جەڭىمپازداردىڭ بارلىعى ۇلتتىق قۇراماعا شاقىرىلىپ، وقۋ- جاتتىعۋ جيىندارىنا قاتىسادى»، - دەيدى باس باپكەر الەكساندر كيم.
سپورتتىق گيمناستيكادان قازاقستان چەمپيوناتىنا الماتى، قوستاناي، شىمكەنت، قاراعاندى، استانا، تالدىقورعان، سەمەي قالالارىنان سپورتشىلار قاتىسۋدا.