تۇركىستاننىڭ وبلىس اتانۋى ورتالىق ازيا ەلدەرىنىڭ ىنتىماقتاستىعىنا سەرپىن بەرەدى - دارحان قىدىرالى
«تۇركىستاننىڭ وبلىس ورتالىعى اتانۋى شىن مانىندە رۋحاني جاڭعىرۋدىڭ ۇلكەن ءبىر ناتيجەسى دەپ ويلايمىز. سەبەبى ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا تاريحي سانانىڭ جاڭعىرۋى، ۇلتتىق كود جايىندا ايتىلعان بولاتىن. ال تۇركىستان ۇعىمى دا ءبىزدىڭ ۇلتتىق كودتارىمىزدىڭ ءبىرى. ماعجان جۇمابايەۆ: «تۇركىستان - ەكى دۇنيە ەسىگى عوي، تۇركىستان - ەر تۇرىكتىڭ بەسىگى عوي» دەپ جىرلاعان. ياعني، بۇل تەك قانا قالانىڭ اتاۋى ەمەس، ۇلكەن ۇعىم بولاتىن. بۇكىل تۇركى الەمىن بىرىكتىرەتىن اتاۋ ەدى. مىنە، سول اتاۋدىڭ قايتا جاڭعىرىپ جاتقاندىعى ءبىزدى قۋانىشقا بولەپ وتىر»، - دەدى دارحان قىدىرالى.
ونىڭ ايتۋىنشا، اعىمداعى جىلى ماعجان جۇمابايەۆتىڭ 125 جىلدىعى اتالىپ وتپەك. وسىنداي اتاۋلى داتامەن تۇركىستان قالاسىنىڭ وبلىس ورتالىعى اتانۋىنىڭ تۇسپا-تۇس كەلۋى دە وتە قۋانىشتى جاعداي.
«جالپى، كەزىندە تۇركىستان ورتالىق ازيانىڭ اتاۋى رەتىندە پايدالانىلعان. تۇركىستان گەنەرال گۋبەرناتورلىعى بولدى. ودان كەيىن تۇركىستان ءوڭىرى دەپ اتالدى. ەندىگى ۋاقىتتا تۇركىستان وبلىسى ەلباسىنىڭ باستاماسىمەن جۇزەگە اسىرىلىپ جاتقان ورتالىق ازيا ەلدەرىنىڭ دە ىنتىماقتاستىعىنا زور سەرپىن بەرەدى دەپ ويلايمىن. جالپى تۇركىستاننىڭ وبلىس ورتالىعى اتانۋى تەك قانا قازاق حالقى ءۇشىن عانا ەمەس. سونىمەن بىرگە باۋىرلاس كورشى مەملەكەتتەر ءۇشىن دە وتە قۋانىشتى جاڭالىق دەپ ەستەپتەيمىن. قۇتتى بولسىن»، - دەدى حالىقارالىق تۇركى اكادەمياسىنىڭ پرەزيدەنتى.