ادامزات ينتەللەكتى جىل سايىن تومەندەپ بارا جاتىر
وتكەن عاسىردىڭ ءبىرىنشى جارتىسىندا عىلىمداعى وركەندەۋ جىل سايىنعى ادامداردىڭ اقىلدى، ءبىلىمدى بولا باستاعانىنىڭ بەلگىسى ەدى. ءبىراق كەيىن ايقىندالعانىداي ادام ينتەللەكتىسىنىڭ ءوسۋى از عانا ۋاقىت بولعان. بۇل كەيبىر مەملەكەتتەردەگى مەديتسينا عىلىمى مەن ازىق- تۇلىكتىڭ جەتكىلىكتى دارەجەدە بولۋىمەن بايلانىستى دەيدى عالىمدار. ال، بۇگىنگى كۇنگە كەپ، كەرىسىنشە، ادامزات اقىل- وي قابىلەتتىلىگى تومەندەپ بارا جاتىر. نورۆەگيالىق عالىمدار 1970 -جىلدان 2009 -جىلعا دەيىنگى اسكەري قىزمەتكە شاقىرىلعان جاستار اراسىندا وتكىزىلگەن 730 مىڭ IQ- تەست ناتيجەلەرىنە قاراپ وسىنداي قورىتىندىعا كەلىپ وتىر. زەرتتەۋلەرگە قاراعاندا ءاربىر ۇرپاق ورتاشا ەسەپپەن بۇرىنعىلارعا قاراعاندا 7 بالدان جوعالتىپ وتىرعان. «زاماناۋي بالالارعا وتباسىسىنىڭ تۇرمىس دەڭگەيى ولاردىڭ ينتەللەكتىنە اسەرىن تيگىزىپ جاتقان جوق. وتكەن عاسىرمەن سالىستىرعاندا وسى عاسىر بالالارىنىڭ ءبىلىم الۋى ءۇشىن بارلىق قولايلىق ۇيدە دە، تۇزدە دە جاسالعان. زاماننىڭ كومپيۋتەرلەنۋى كوبىرەك تەرىس ناتيجە كورسەتىپ جاتىر. بالالار كومپيۋتەرمەن ءبىلىم الۋدىڭ ورنىنا ويىندارعا كوپ ۋاقىتىن جۇمساپ جاتىرح، - دەيدى زەرتتەۋشىلەر.
عالىمداردىڭ پىكىرىنشە، زياتكەرلىك دەڭگەيىنىڭ تومەندەۋى قورشاعان ورتانىڭ لاستانۋى، ولاردىڭ تۇتىناتىن تاعامدارىندا بالىقتان جاسالعان ونىمدەردىڭ از بولۋى دا سەبەپ بولۋى مۇمكىن ەكەن.
Massaget.kz