باياناۋىلدا تۋريستىك ماۋسىم اشىلدى

None
None
  استانا. قازاقپارات - جەر ءجانناتى اتانعان باياناۋىل وڭىرىندە تۋريستىك ماۋسىم اشىلدى.

سالا ماماندارىنىڭ ايتۋىنشا، كيەلى ولكە تۋريستەردى تانىمدىق ەكسكۋرسيالار مەن قاسيەتتى جەرلەرىمەن تاڭ قالدىرماق. بيىلعى جىلى بايان جەرىنە 200 مىڭنان استام تۋريست كەلەدى دەپ كۇتىلۋدە.

باياناۋىل اۋدانىنىڭ اكىمى ورازگەلدى قايىرگەلدينوۆتىڭ ايتۋىنشا، بىلتىرعى جىلى بۇل جەردە 150 مىڭنان استام ادام دەمالعان.

«قوناقجايلىعىمىز - ۇلتتىق برەند. باياناۋىل ولكەسىن تارتىمدى ەتەتىن دە بويىمىزعا قانمەن سىڭگەن قوناقجايلىلىق دەپ بىلەمىن. ءبىز جاڭا تۋريستىك ماۋسىمعا تىڭعىلىقتى دايىندالدىق. بىرەگەي دەمالىس ورىندارىنىڭ ايماعىن اباتتاندىرىپ، قىزمەت كورسەتۋ تۇرلەرىن كەڭەيتتىك. قارجىلىق قولداۋ دا بار» ، - دەيدى اۋدان اكىمى.

باياناۋىلداعى جاسىباي كولىنىڭ تۋريستىك الەۋەتىن ارتتىرۋ ماقساتىندا زاماناۋي پريس سالىنىپ، سۋبۇرقاق ورناتىلدى. اۋماق جارىقتاندىرىلىپ، كولدى ڭتابانى تازارتىلدى. سونىمەن قاتار، جاڭا تۋريستىك مارشرۋتتار دايىندالدى. بۇگىندە ولاردىڭ قاتارى 14-كە جەتتى. اۋداندىق اكىمدىك وكىلدەرىنىڭ مالىمەتىنشە، 5 ميلليارد تەڭگە كولەمىندە قارجى بولىنگەن.

«قوڭىر اۋليە ۇڭگىرىنە باراتىن تۋريستەر سانى وتە كوپ. سونىمەن قاتار، تۋريستەر تاراپىنان قولا داۋىرىنە تيەسىلى ەسكەركىشتەر، كەمپىرتاس تاۋى، ولكەدەگى ەڭ بيىك تاۋ اقبەتكە دە قىزىعۋشىلىق جوعارى. ەكسۋرسيالاردىڭ باعاسى قولجەتىمدى. بيىل ءبىر باعىتتىڭ باعاسى 200 تەڭگەدەن 2000 تەڭگە كولەمىندە بەكىتىلدى» ، - دەيدى ماماندار.

ايتا كەتەيىك، بيىلعى جىلى جاۋىر بولعان جول ماسەلەسى شەشىمىن تابادى. بيىل اۋدانعا 6,5 ميلليارد تەڭگە كولەمىندە قارجىلىق قولداۋ كورسەتىلۋدە. قاراجاتتىڭ ءبىر بولىگى كۇرە جولداردى سالۋعا جانە جوندەۋگە باعىتتالادى. ناقتىراق ايتقاندا، «الەكسەيەۆكا- جاڭا جول - ەسكەلدى شاتقالى» ، «جاسىباي كولى - تورايعىر كولى» ، «اقشاڭ- باياناۋىل، «قاراشات- جاڭاتىلەك» باعىتتارىنداعى جولدار قالىپقا كەلتىرىلەدى.

ايتا كەتەيىك، بىلتىرعى جىلى اۋداندا اۋە جولدارى جاندانىپ، قاراعاندى جانە پاۆلودار قالالارى اراسىندا اۋە قاتىناسى ىسكە قوسىلدى. سونىمەن قاتار، مىرزاشوقى تاۋىنىڭ باۋرايىندا ارقاندى جول قۇرىلىسى جۇرگىزىلىپ جاتىر.

 

Baq.kz

سوڭعى جاڭالىقتار