قانات بوزىمبايەۆ اتوم ەلەكتر ستانساسى قۇرىلىسىن قولداي ما؟

استانا. قازاقپارات - قازاقستاندا اتوم ەلەكتر ستانساسىنىڭ قۇرىلىسىنا قاتىستى تۇبەگەيلى شەشىم ءالى شىققان جوق .

بۇل تۋرالى بۇگىن ەلوردادا حالىققا ەسەپ بەرۋ كەزدەسۋى بارىسىندا ق ر ەنەرگەتيكا ءمينيسترى قانات بوزىمبايەۆ ايتتى، دەپ حابارلايدى قازاقپارات ءتىلشىسى.

«ا ە س قۇرىلىسى بويىنشا شەشىم ءالى قابىلدانبادى. قازىرگى ۋاقىتتا «قاز اتوم ونەركاسىپ» ۇ ك- نىڭ ەنشىلەس كومپانياسى «قازاقستاندىق اتوم ەلەكتر ستانساسى» ا ق اتوم ەلەكتر ستانساسىنىڭ تەحنيكالىق-ەكونوميكالىق نەگىزدەمەسىن ازىرلەۋمەن اينالىسىپ جاتىر. سودان كەيىن عانا حالىقارالىق كومپانيا جۇرىگىزەتىن تەڭ ناتيجەلەرى نەگىزىندە ءبىز بىرنەشە ساراپشى تارتىپ، شەشىم قابىلدايتىن بولامىز»، - دەدى مينيستر.

ونىڭ ايتۋىنشا، بۇگىندە الەم ەلدەرى اتوم ەلەكتر ستانساسىنىڭ قۇرىلىسىنا قاتىستى ەكىگە جارىلىپ وتىر. ماسەلەن، فرانسيا مۇنداي ستانسا سالىپ جاتسا، گەرمانيا ونىڭ قۇرىلىسىنان باس تارتقان.

«وزىمە كەلەر بولسام، ءبىز ۋران نارىعىندا باسىمدىققا يە ەلمىز جانە الەمدىك نارىقتىڭ 40 پايىزىن الىپ وتىرمىز. سوندىقتان شيكىزات ساتىپ، باعا كونيۋكتۋراسىنا تاۋەلدى بولماۋ ءۇشىن كولبەۋ ينتەگراتسيالانعان كومپانيا قۇرۋعا مىندەتتەمىز»، - دەدى قانات بوزىمبايەۆ.