بۋرابايدا «قازاق تانۋ» جوباسىنىڭ تۇساۋى كەسىلدى
«قازاق تانۋ» جوباسى قازاقستان ەتنوستارىنىڭ اراسىندا قازاق حالقىنىڭ تاريحىن، داستۇرلەرىن، گۋمانيتارلىق جانە ادامگەرشىلىك پرينتسيپتەرىن دارىپتەۋگە باعىتتالعان.
شارادا ءسوز سويلەگەن ق ح ا ءتوراعاسىنىڭ ورىنباسارى - حاتشىلىق مەڭگەرۋشىسى لەونيد پروكوپەنكو اتالعان جوبا حالىقتار اراسىنداعى بىرلىكتى نىعايتۋدى كوزدەيتىنىن اتاپ ءوتتى.
«بۇگىن ءبىز ابىلايحان الاڭىندا «قازاق تانۋ» جوباسىنىڭ تۇساۋكەسەر ءراسىمىن وتكىزدىك. جوباسى اياسىندا كوپتەگەن ءىس- شارالار ۇيىمداستىرىلادى. بۇگىن ءبىز رەسپۋبليكالىق دەڭگەيدە قازاقستان حالقى اسسامبلەياسى لەكتورييىن وتكىزەمىز. ول ەلىمىزدىڭ بارلىق وڭىرلەرىندە ۇيىمداستىرىلادى. جوبا اياسىندا ءبىزدىڭ لەكتورلارىمىز اۋداندار مەن شالعاي اۋىلدارعا بارادى. جوبامىزدىڭ باستى ماقساتى - قازاقستان حالقىنىڭ بىرلىگىن نىعايتۋ» ، - دەدى ول.
وسى ورايدا «قاسيەتتى قازاقستان» ورتالىعىنىڭ جەتەكشىسى ەرىك ءابدىعالي ۇلى اتالعان جوباعا قاتىستى ءوز پىكىرىن ءبىلدىردى.
«قازاق تانۋ» جوباسىنا ءبىز قولداۋىمىزدى بىلدىرەمىز. سەبەبى، باسقا ۇلت وكىلدەرى قازاق ەلىنىڭ تاريحىن، ءتىلىن بىلسە، بۇل ەلىمىزدەگى تۇراقتىلىقتى ودان ءارى نىعايتا تۇسەدى. بۇل - تۇراقتىلىق كەپىلى. ال قازاق مەملەكەتتى قۇراۋشى ۇلت بولۋى قاجەت، سوندىقتان ءبىز ەلىمىزدەگى بەيبىتشىلىكتى ساقتاپ، ەلىمىزدى ودان ءارى دامىتا ءتۇسۋىمىز كەرەك. قازاقستان حالقى اسسامبلەياسىنىڭ اتالعان جوباسى دا وسىنى كوزدەيدى» ، - دەدى جەتەكشى.
سونداي- اق ءىس- شاراعا اقمولا وبلىسى اكىمىنىڭ ورىنباسارى اينا ءمۇسىرالىموۆا، مەملەكەت تاريحى ينستيتۋتىنىڭ ديرەكتورى، ت. ع. د. , پروفەسسور بۇركىتباي اياعان، سونداي- اق، ەلىمىزدەگى جەتەكشى ينستيتۋتتاردىڭ عالىمدارى، قوعام قايراتكەرلەرى، رەسپۋبليكالىق جاستار بىرلەستىكتەرى جانە قحا كافەدرالارىنىڭ وكىلدەرى قاتىستى.
سونىمەن قاتار جوبا اياسىندا «قازاقستاننىڭ قاسيەتتى گەوگرافياسى» ، «جيدەبايدىڭ جۇلدىزدى دالاسى» ، «شىعىستىڭ رۋحاني كەرۋەنى» ، «قازاق ءتىلىنىڭ ۇلتتىق كورپۋسى» ، «اقمولا وبلىسىنىڭ تاريحي توپونيميكاسى» ، «رۋحاني جاڭعىرۋ شەڭبەرىندەگى قازاق تانۋ ماسەلەسى» ، «قازاقستان تانۋ جانە قازاقتانۋ: ۇعىمداردىڭ اراقاتىناسى» ، «QazanNan-نىڭ رۋحاني جانە ينتەگراتسيالاۋشى كۇشى» تاقىرىپتارى بويىنشا باياندامالار وقىلدى.
ءىس- شارا شەڭبەرىندە «جەر تاريحى - ەل تاريحى» ەكسپەديتسياسى ۇيىمداستىرىلدى.
Baq.kz