ەلباسى ق ر كونستيتۋتسيالىق كەڭەسىنىڭ ءتوراعاسى قايرات ءماميدى قابىلدادى
كەزدەسۋ بارىسىندا قايرات ءمامي نۇرسۇلتان نازاربايەۆقا كونستيتۋتسيالىق رەفورمانىڭ جۇزەگە اسىرىلۋ بارىسى، سونداي-اق كونستيتۋتسيالىق كەڭەس قىزمەتىنىڭ ناتيجەلەرى مەن الداعى كەزەڭگە ارنالعان جوسپارى جونىندە باياندادى.
قازاقستان پرەزيدەنتى كونستيتۋتسيالىق كەڭەستىڭ اتا زاڭ ۇستەمدىگىن قامتاماسىز ەتەتىن مەملەكەتتىك ورگان ەكەنىنە توقتالىپ، ونىڭ الەۋەتىن ودان ءارى ارتتىرا ءتۇسۋ قاجەتتىگىنە نازار اۋداردى.
- پارلامەنتتىڭ، ەلىمىزدەگى مەملەكەتتىك ورگانداردىڭ قابىلداعان بۇكىل زاڭدارى مەن نورماتيۆتىك قۇقىقتىق اكتىلەرى كونستيتۋتسيا ەرەجەلەرىنە جانە نورمالارىنا تولىق سايكەس كەلۋگە ءتيىس، - دەدى نۇرسۇلتان نازاربايەۆ.
سونىمەن قاتار، كونستيتۋتسيالىق كەڭەس ءتوراعاسى مەملەكەت باسشىسىنا قازاقستان رەسپۋبليكاسىنىڭ كونستيتۋتسيا كۇنىن مەرەكەلەۋگە دايىندىق بارىسى جونىندە مالىمدەدى.