جازعى اۋرۋلاردىڭ الدىن الۋ جانە ەمدەۋ جولدارى

 استانا. قازاقپارات - ءبىزدىڭ جازىمىز تىم قىسقا، سوندىقتان ەڭ قىمبات جىلى كۇندەردە اۋىرۋعا ەش ۋاقىت تا جوق.

الايدا كۇننىڭ ىستىعىنا، جاڭا پىسكەن جەمىس- جيدەكتەردىڭ كوپتىگىنە قاراماستان، جاز ايىندا بىزگە شابۋىل جاسايتىن اۋرۋلاردىڭ بار ەكەنى دە راس... مۇمكىن سولاردىڭ ارقاسىندا بولار؟ سىزدەر دەر كەزىندە شارا قولدانىپ، اۋرۋدىڭ الدىن الۋ ءۇشىن ءبىز جاز ايىندا كوبىنە ۇشىراساتىن اۋرۋلاردىڭ ءتىزىمىن جاسادىق.

باس ساقيناسى جانە باس اۋرۋلارى

ەگەر سىزدە باس ساقيناسى بۇعان دەيىن ءجيى بايقالاتىن بولسا، جاز ايىندا دا ودان قاشىپ قۇتىلماسىڭىز بەلگىلى. ىستىق كۇندەرى اعزا ءبىراز سۋ جوعالتادى، ناتيجەسىندە باس ساقيناسىنىڭ ورشۋىنە اكەپ سوقتىرادى. مۇنىڭ الدىن الۋ ءۇشىن اعزاڭىزداعى سۋ دەڭگەيىن رەتتەپ وتىرىڭىز، كۇنىنە 8 ستاكاننان كەم ەمەس سۋ ىشۋگە تىرىسىڭىز. جانە دە مىندەتتى تۇردە باس كيىم كيىپ جۇرگەن ابزال.

تەرشەڭدىك

ىستىقتان جانە ىلعالدىڭ بولۋىنان تەرىدە ۇساق قىزىل بورتپەلەر پايدا بولاتىنى بەلگىلى. سونداي- اق ول ىستىق كۇندەرى تەرى قاباتتارىنىڭ بىتەلىپ قالۋىنان دا پايدا بولۋى مۇمكىن. سوندىقتان دا كۇن جىلىدا ۆاننا نەمەسە سەبەزگى پايدالانۋدى ۇمىتپاعان ءجون. ەگەردە بورتپەلەر پايدا بولا قالسا، بالالار ۇنتاعىن نەمەسە جۇگەرى ۇنىن سەۋىپ قويىڭىز. ەكى اپتانىڭ ىشىندە نەگىزگى بەلگىلەر جويىلماسا، دارىگەرگە كورىنۋگە كەڭەس بەرىلەدى.

كونيۋنكتيۆيت

كونيۋنكتيۆيت - كوزدىڭ جۇقا قابىقشاسىنىڭ نەمەسە ىشكى بولىگىنىڭ اسقىنۋى. بۇل كوبىنە باكتەريالدى ينفەكتسيا، اللەرگيا كەزىندە تۋىندايدى نەمەسە جاز كەزىندەگى قۇم، توپىراق، شاڭ-توزاڭ ءوز دەگەنىن جاسايدى. الدىن الۋ وتە قاراپايىم: قولدى ءجيى جۋۋ كەرەك، كوزدى كىر قولمەن نە سۇلگىمەن ۇستاماۋ كەرەك، شاما كەلگەنشە ماكياج قۇرالدارىن پايدالانباۋ قاجەت (اسىرەسە ىستىق كۇندەرى)، كوبىنە لينزا نەمەسە كوزىلدىرىك كيىپ جۇرگەن دۇرىس. ەگەر اسقىنۋ پايدا بولسا، دارىگەرگە قارالۋ كەرەك. ەگەر بەلگىلى ءبىر سەبەپتەرمەن بۇل مۇمكىن بولماي تۇرسا، جاعدايدى تۇيمەداق تۇنباسىنان جاسالعان كومپرەسس ءسال دە بولسىن جەڭىلدەتەتىنى ايقىن.

فارينگيت جانە تاماقتىڭ اۋىرۋى

جاز ايلارىندا تاماق اۋرۋلارى باسقا مەزگىلدەرگە قاراعاندا ەكى ەسە كوپ ۇشىراساتىنى بەلگىلى. ويتكەنى بىرىنشىدەن ىستىق كۇندەرى سۋىق بالمۇزداقتى جەپ قويۋ نە سۋىق سۋ ءىشىن قويۋىڭىز ابدەن مۇمكىن. ەكىنشىدەن ىستىق كۇندەرى باكتەريالار بەلسەندى تۇردە كوبەيەتىنى دە راس. ال، ۇشىنشىدەن سۋعا تۇسەتىن ورىندار ارقىلى دا بۇل ينفەكسيانى جۇقتىرۋ قاۋپى باسىم بولىپ كەلەدى. ەگەر نەگىزگى بەلگىلەرىن بايقاساڭىز، دارىگەرگە كورىنىپ، كۇتىنۋ كەرەك. ال فارينگيتپەن ءسىزدىڭ ءبىر تۋىسىڭىز اۋىرعان بولسا، بىرنەشە كۇن بويى انتيباكتەريالدى تۇنبالار ارقىلى تاماعىڭىزدى شايىپ ءجۇرۋدى ۇمىتپاڭىز.

سىرتقى وتيت

تاعى دا جاز ايلارىندا كەڭ تارالعان اۋرۋلاردىڭ ءبىرى سىرتقى وتيت نەمەسە قۇلاقتىڭ قابىنۋى. بۇل اۋرۋ كوبىنە سۋعا شومىلۋ ۋاقىتى اشىلعان ساتتە ءجيى بايقالادى. ويتكەنى ءوتيتتىڭ باستى سەبەبى - سۋىق سۋدا كوپ ۋاقىت بويى ءجۇرۋ. ونىڭ الدىن الۋ ءۇشىن سۋعا شومىلىپ بولعاننان كەيىن ماقتامەن قۇلاقتى شۇقىپ الىڭىز جانە جۇزگەننەن كەيىن قۇلاققا %50 سپيرت پەن %50 سىركە قىشقىلىن ارالاستىرىپ، 2 تامشىدان تامىزىڭىز. بۇل قۇلاقتى تەز قۇرعاتىپ، ينفەكتسيانىڭ ورشۋىنە جول بەرمەيدى.

 

دەرەككوز: www.goodhouse.ru