كوكشەتاۋدا كامەراعا ءتۇسىپ قالعان جۇرگىزۋشى ايىپپۇل ارقالادى

كوكشەتاۋ. قازاقپارات - كوكشەتاۋدا جاياۋ جۇرگىنشىنى كوشەنىڭ بەلگىلەنگەن جەرىنەن وتكىزبەگەن جۇرگىزۋشى جەدەل باسقارۋ ورتالىعىنىڭ بەينەباقىلاۋ كامەراسىنا ءتۇسىپ قالدى، دەپ حابارلايدى قازاقپارات ءتىلشىسى ءى ءى د باسپا ءسوز قىزمەتىنە سىلتەمە جاساپ.

پوليتسەيلەردىڭ مالىمەتىنشە، وقيعا 18 -ماۋسىم كۇنى ساعات 11:30 «يۋبيلەينىي» ىقشاماۋدانىندا بولعان.

«باكالەيا» دۇكەنىنىڭ ماڭىنان ءجۇرىپ بارا جاتقان «فولكسۆاگەن پاسسات» كولىگىنىڭ جۇرگىزۋشىسى رەتتەلمەيتىن جاياۋ جۇرگىنشىلەر جولاعىنداعى جاس كەلىنشەككە جول بەرمەي توقتاماستان ءوتىپ كەتكەن. جول ەرەجەسىن بۇزعان جۇرگىزۋشىنى جەدەل باسقارۋ ورتالىعىنىڭ كەزەكشىسى، پوليتسيا كاپيتانى مارات قازىباي بايقاپ قالىپ، بىردەن جول-پاترۋلدىك پوليتسيا باتالونىنىڭ اۆتوپاترۋلدەرىنە حابارلاعان. اراعا بىرەر مينۋت سالىپ، جول ەرەجەسىن بۇزعان جۇرگىزۋشى ۇستالىپ، ق ر ا ق ب ك-نىڭ 600-بابى 1-ءبولىمى بويىنشا اكىمشىلىك حاتتاما تولتىرىلدى.

اتالمىش باپقا سايكەس جۇرگىزۋشىگە 10 ايلىق ەسەپتىك كورسەتكىش كولەمىندە ايىپپۇل سالىنادى»، دەپ ءتۇسىندىردى باسپا ءسوز قىزمەتىندەگىلەر.

ەسكە سالا كەتەيىك، جىل باسىنان بەرى كوكشەتاۋ قالاسىندا جەدەل باسقارۋ ورتالىعىنىڭ كومەگىمەن 4 مىڭعا جۋىق اكىمىشىلىك قۇقىقبۇزۋشىلىق تىركەلگەن.

 

فوتو: cdn2.img.ria.ru