قازاقستاندىق ستۋدەنتتەردىڭ ا ق ش-تاعى تابىسى مەن قيىندىقتارى

None
None
 استانا. قازاقپارات - Work and Travel باعدارلاماسىمەن ا ق ش-تا بولعان قازاقستاندىق ستۋدەنتتەر Tengrinews.kz تىلشىسىنە تابىس ەسەبى مەن جۇمىس بارىسىنداعى قيىندىقتاردان قالاي قۇتىلۋعا بولاتىنى تۋرالى ايتىپ بەردى.

Work and Travel - تانىمال مادەنيەت الماسۋ باعدارلاماسى. ستۋدەنتتەر جازعى دەمالىس كەزىندە ءتورت اي جۇمىس ىستەپ، ازىن-اۋلاق اقشا تابۋ مەن ساياحاتتاۋ ءۇشىن امەريكاعا بارادى. قازاقستانداق ستۋدەنتتەر ا ق ش-قا بارۋ ءۇشىن جىل سايىن J1 ۆيزاسىن قولدانادى.
«باعدارلامانىڭ پايدالى تۇستارى كوپ. ەڭ باستىسى - جاقسى تابىس، اعىلشىن ءتىلىن جەتىلدىرىپ، جاڭا مادەنيەت پەن امەريكالىق قوعاممەن تانىسۋعا بولادى. ءبىز قايدا جۇرسەك تە باتىس جايلى ەستيمىز. وندا ءبارى قىزىعاتىنداي، سونشالىق نە بار ەكەنىن مەن دە بىلگىم كەلدى. امەريكاعا العاش ۇشىپ كەلگەن كۇنى ۆوكزالدا تۇنەۋىمە تۋرا كەلدى. ۋايىمدايتىن ەشتەڭە جوق، بۇل مەنىڭ نەمقۇرايلىعىمنان بولدى. اۆتوبۋستى ۇزاق ۋاقىت كۇتەمىز دەپ ويلاماپپىز. ۇشاقتان كەيىن شارشاعان ءبىز ءتۇنى بويى كولىك كۇتتىك. ءبىراق اقىرى جاقسى بولدى»، - دەيدى مەديتسينا ۋنيۆەرسيتەتىنىڭ ستۋدەنتى اسلان تەمىرحانوۆ.

اسلان امەريكادا ءبىرقاتار كاسىبي قاسيەتىن قالىپتاستىرعانىن ايتادى.



«مەنىڭ ماماندىعىما قاتىسى بولماسا دا، قىزمەت كورسەتۋ سالاسىندا جۇمىس ىستەگەن كەزدە كوپ نارسە ۇيرەندىم. قازاقستان مەن ا ق ش-تا قىزمەت كورسەتۋدىڭ ۇيرەتۋ دەڭگەيى جەر مەن كوكتەي. مەن تۇتىنۋشىعا جوعارعى دەڭگەيدە قىزمەت كورسەتۋ، ولارمەن قالاي سويلەسۋ كەرەكتىگىن، قارسى الۋ مەن شىعارىپ سالۋدى، تاۋاردى ساتىپ الۋ ءۇشىن قانداي سوزدەر ايتۋ كەرەكتىگىن ۇيرەندىم»، - دەيدى ول.

كوپشىلىك قۇراما شتاتتاردا تەك جۇمىسشى بولىپ ىستەۋگە بولادى دەپ ويلايدى، ءبىراق ول قاتە پىكىر. «جۇمىستار ءار ءتۇرلى جانە ولار كوپ. مەن اسپازشى بولدىم، قاراپايىم تاماقتاردى ازىرلەدىم. ال مەنىڭ اسپاز كۋرسىن بىتىرگەن تانىسىم ۆاشينگتوندا سۋ-شەف، ياعني باس اسپازدان كەيىنگى ادام بولىپ جۇمىسقا تۇردى. الايدا، ستۋدەنتتەرگە ءوز بەتىمەن جۇمىس ىزدەمەۋگە كەڭەس بەرەمىن. ارنايى كومپانيالارعا جۇگىنگەن ابزال. سەبەبى جۇمىس تاپقاننان كەيىن جانە كەيبىر سايتتار سەنى الداپ، سوڭىندا اقشاسىز قالدىرۋى مۇمكىن، - دەيدى ستۋدەنت.

اسلان باعدارلاماعا ءبىر ميلليونعا جۋىق تەڭگە جۇمساعان جانە ءبىر جارىم ايدا 1,7 ميلليون تەڭگە تاپتى. ا ق ش-تا ەڭ تومەنگى جالاقى ساعاتىنا 7,25 دوللار. ستۋدەنتتەر جۇمىسقا كەلگەندە ەڭ الدىمەن تۋىندايتىن قيىندىق - سالىق.

«امەريكادا بارلىق نارسەگە سالىق الىنادى. مەن ونى تولەيتىندەي ەشقايدا بارمادىم، ءبىراق جالاقى بەرگەن كەزدە بەلگىلى ءبىر سوممادا اقشا ۇستاپ قالدى. ەكى-ءۇش سالىق ءتۇرى بولدى، مەن امەريكانىڭ ازاماتى بولماعاندىقتان ءبىلىم الۋ، اسكەر جانە باسقالارىنا تولەمەدىم. مىسالى 1200 دوللار تابىس تاپتىم دەسەك، قولعا تازا 900 دوللار الۋىم مۇمكىن، - دەپ اسلان ءوز تاجىريبەسىمەن ءبولىستى.



ەڭ باستىسى، مەديتسينالىق ساقتاندىرۋ دەدى ول. ا ق ش الەمدەگى مەديتسينالىق قىزمەتى ەڭ قىمبات ەلدەر قاتارىنا كىرەدى. مەديتسينا ينستيتۋتىنىڭ مالىمەتىنشە، مەديتسينالىق ساقتاندىرۋدىڭ جەتىسپەۋى جىلىنا شامامەن 18 مىڭ ادامنىڭ ولىمىنە اكەلەدى.

«مەديتسينالىق ساقتاندىرۋدى جاساماعان مەنىڭ دوسىم توسەكتەن تۇندە كەزدەيسوق قۇلاپ قالعان ەدى. العاشقى كومەك كورسەتىلىپ، گيپس قويىلعانى ءۇشىن ودان بەس مىڭ دوللار سۇرادى. بۇل تولىق سوما ەمەس، ءدارى-دارمەكتەر ءۇشىن دە تۇبىرتەك جىبەرەتىندەرىن ايتتى»، - دەپ ەسكە الادى اسلان.



الماتىداعى ۋنيۆەرسيتەتتەردىڭ بىرىندە وقيتىن ابزال بەكتۇرعان امەريكاداعى العاشقى جۇمىس كۇنى تۋرالى، ونداعى بۇزۋعا بولمايتىن قاتاڭ ەرەجەلەر جايلى ايتىپ بەردى. «جۇمىستىڭ العاشقى كۇنىندە مەن دوستارىممەن بەس مينۋتقا كەشىگىپ كەلدىم. ناتيجەسىندە بارلىعىمىز ءبىر كۇن جۇمىسسىز جۇردىك. 100 دوللاردان ايىرىلدىم دەسە بولادى. مەن باعدارلاماعا ءۇش مىڭ دوللار جۇمسادىم. ءالى كۇنگە دەيىن شتاتتاردامىن»، - دەدى ابزال.



استانالىق جوعارى وقۋ ورنىنىڭ ستۋدەنتى ديلارا تاجەكەنوۆا فلوريدا شتاتىنداعى جۇمىستىڭ ۇناماعان تۇستارىن ايتىپ بەردى. «جۇمىسسىزدىقتىڭ جوعارى دەڭگەيى كوپتەگەن قىلمىسقا اكەلىپ سوقتى، جۇمىس بەرۋشىنى تابۋ وتە قيىن، ال كەيبىر تەكسەرىلمەگەن جەرلەر ادامدى الداپ كەتۋى مۇمكىن»، - دەيدى ستۋدەنت.

Work and Travel اياسىندا ديلارا سەگىز مىڭ ا ق ش دوللارىن تاپقان جانە باعدارلاماعا ءۇش مىڭ دوللار جۇمساعان. ستۋدەنت ەلدوس سايلاۋحانوۆ تا قازىر امەريكادا. «بۇل ءۇشىن ماعان شامامەن ەكى ميلليون تەڭگە قاجەت بولدى، ءبىراق بۇل مەنىڭ باعدارلاماعا جۇمساعان جەكە شىعىندارىممەن قوسقانداعى ەسەپ. مەن استانادان ماسكەۋگە، سودان كەيىن نيۋ-يورككە ۇشىپ باردىم، ال ول جاقتان پاناما-سيتيگە اۆتوبۋسپەن جەتتىم»، - دەيدى ەلدوس.

سوڭعى جاڭالىقتار