دالاي-لاما جاۋدى قالاي دوس قىلۋعا بولاتىنىن ءتۇسىندىردى

استانا. قازاقپارات - دالاي-لاما ريگادا ءوتىپ جاتقان رەسەي مەن بالتىق ەلدەرى بۋدديستەرىنە وتكىزىپ جاتقان ءدارىسى كەزىندە جاۋدى قالاي ەڭ سەنىمدى دوس ەتۋگە بولاتىنىن ايتتى، - دەپ حابارلايدى ريا نوۆوستي.

ول بۋدديزمدى ۇستانۋشىلارعا جانە ونىڭ ىلىمىنە قىزىققانداردىڭ بارىنە ءوز بويىندا بودحيچيتا - بارلىق تىرشىلىكتىڭ يگىلىگى ءۇشىن ويانۋعا تىرىسۋ ءدانىن سەبۋگە شاقىردى.

ونىڭ سوزىنشە، بۇل شىدامدىلىقتى تاربيەلەمەي مۇمكىن بولمايدى. «بارلىعىنا الترۋيزم مەن شىدامدىلىقتى دامىتۋ قاجەت. سوندىقتان سىزدەردىڭ جاۋ - ەڭ جاقسى دوسىڭىز، رۋحاني دوس، ۇستاز، سىزگە شىدامدىلىقتى تاربيەلەۋگە كومەكتەسەتىن دوسىڭىز»، - دەيدى ول.

بۇل ماقساتقا جەتۋدىڭ ەڭ جاقسى ءماتىن، ول VIII عاسىرداعى بۋددا ويشىلى شانتيديەۆانىڭ «بودحيساتتۆا جولى» اتتى كىتابى ەكەن. جاقىندا بۇل كىتاپ ورىس تىلىنە اۋدارىلىپتى. دالاي- لامانىڭ ايتۋىنشا، وسى كىتاپتىڭ التىنشى تاراۋىنا باسا نازار اۋدارۋ كەرەك.

«يسلام، حريستيان، يۋدايزم ءدىنىن ۇستانۋشىلار دا وسى تاراۋدى وقي الادى. ويتكەنى شىندامدىلىقتى دامىتۋ مەن وزىمشىلدىكتى باسۋ، جاناشىرلىق مەن ماحاببات ءىلىمى بارلىق دىنگە ورتاق»، - دەيدى تيبەت بۋدديزمىنىڭ باسشىسى.

ول رۋحاني وزگەرۋ وزدىگىنەن بولمايتىنىن، تەك ەڭبەكپەن كەلەتىنىن اتاپ ءوتتى. ريگاداعى «سكونتو» زالىنا دالاي-لامانىڭ ايتقانىن تىڭداۋعا 4,5 مىڭداي ادام جينالعان. ولاردىڭ كوپشىلىگى رەسەيدەن كەلىپتى.

Kaz.tengrinews.kz