شۋداعى پويىز اپاتى: ماشينيست ۇستالدى
تەلەارنانىڭ مالىمەتىنشە، سول اۋماقتا جۇمىس كەزەكشىلىك ەتكەن تەمىرجول قىزمەتكەرلەرىنەن دە جاۋاپ الىنىپ جاتىر. سونداي-اق، «قازاقستان تەمىر جولى» ا ق وكىلدەرى توتەنشە جاعدايدان زارداپ شەككەندەردىڭ تاياۋدا وتەماقى الاتىنىن ايتادى.
وسىعان دەيىن پويىز اپاتىنان قازا بولعان جاس ءوسپىرىم مەن زارداپ شەككەندەردىڭ ءتىزىمى جاريالانعان بولاتىن. سونىمەن قاتار، مۇنىڭ الدىندا ق ر ي د م باسپا ءسوز قىزمەتى شۋ ستانسياسى ماڭىندا پويىزدىڭ رەلستەن شىعۋ سەبەپتەرىن تەكسەرەتىن كوميسسيا قۇرىلعانىن حابارلاعان ەدى.
«17 -ماۋسىمدا 13.25-تە سارىشاعان- شۋ ۋچاسكەسىندە استانا- الماتى باعىتىنداعى #9/10 پويىزىنىڭ جولاۋشىلار وتىراتىن 8 ۆاگونى رەلستەن شىعىپ كەتتى. توتەنشە وقيعا ماشينيست تەمىرجولدىڭ قيسايعانىن كورىپ، كولىكتى شۇعىل تەجەگەنىنەن كەيىن بولدى. وقيعانى تەكسەرۋ ءۇشىن ق ر ي د م كولىك كوميتەتى جانىنان ارنايى كوميسسيا قۇرىلدى»، - دەپ حابارلاعان بولاتىن ق ر ي د م وكىلدەرى.
ەسكە سالايىق، 17 -ماۋسىمدا ساعات شامامەن 14.00-دە جامبىل وبلىسىنداعى وتار مەن شۋ ستانسيالارىنىڭ اراسىندا توتەنشە جاعداي بولعان ەدى. مۇنىڭ الدىندا ءۇش ۆاگوننىڭ رەلستەن شىعىپ كەتكەنى حابارلانعان بولاتىن.