جالقاۋلىقتى جەڭۋدىڭ التى جولى
جەلكەمىزگە جارماسقان جالقاۋلىق ەتەگىمىزدەن تارتىپ، جاقسى ىستەردى تىندىرۋعا مۇرشا بەرمەي جاتادى. ءار قازاقتىڭ وسال تۇسى دا - ەرىنشەكتىك.
ءبىز بۇگىن جالقاۋلىقتى قالاي جەڭۋگە بولاتىنى تۋرالى اڭگىمەلەيمىز.
1. بەس-اق مينۋت!
وزىڭىزگە بەس مينۋت ارناڭىز! ويىڭىزدى جيناقتاپ، وزىڭىزگە كۇش بەرىپ، جۇمىسقا قۇلشىنا كىرىسۋگە بەس مينۋت قانا جەتكىلىكتى.
2. ۇلكەن ىستەردى ءبولىپ-ءبولىپ تاستاڭىز
كوپ جۇمىستى بىردەن ورىنداۋ مۇمكىن ەمەس. سوندىقتان ءبولىپ-ءبولىپ ورىنداعانىڭىز ابزال. دۇرىسى - جوسپار قۇرىپ الىڭىز. جوسپاردى ويشا قۇرىپ ۇيرەنگەنىڭىز ءجون.
3. باستى جۇمىستان قاشپاڭىز!
باستى جۇمىستى ىستەۋگە جالقاۋلىعىمىز جار بەرمەيدى. ەرتەڭگە دەيىن رەفەرات جازۋ كەرەك. رەفەراتتى جازۋدىڭ ورنىنا ۇساق-تۇيەك ءۇي تىرلىكتەرىن جاسايمىز، دۇكەنگە بارىپ، ينتەرنەتتە وتىرامىز. ءبارىبىر رەفەرات جازۋدان قاشىپ قۇتىلمايسىز. سوندىقتان، رەفەراتتى جازىپ تاستاۋدى ءبىرىنشى ورىنعا قويىڭىز.
4. ەرتە تۇرىڭىز
«ەرتە تۇرعان ەركەكتىڭ ءبىر ءىسى ارتىق، ەرتە تۇرعان ايەلدىڭ ىرىسى ارتىق». ميىڭىز شارشاماي تۇرعاندا جۇمىسىڭىزدى ءبىتىرىپ تاستاعانىڭىز ابزال.
5. ءوز-وزىڭىزگە سىي جاساڭىز
قانداي ەڭبەك بولماسىن، ماراپاتقا لايىق. سوندىقتان، ءبىر ءىستى تىندىرىپ تاستاعاننان كەيىن، ءوز-وزىڭىزگە سىي جاساڭىز! سۇيىكتى پەچەنەڭىزبەن ءشاي ءىشىپ، ميىڭىزدى دەمالتىڭىز. بۇل كەيىن ادەت بوپ قالىپتاسىپ كەتەدى. ال قيىنداۋ تاپسىرمانى ورىنداۋ كەرەك بولسا، وزىڭىزگە لايىقتى سىي ويلاعانىڭىز ءجون. «وسى جۇمىستى ءبىتىرىپ تاستاعانىم ءۇشىن وزىمە جاڭا ساعات ساتىپ الامىن» دەپ ءوز-وزىڭىزگە ۋادە بەرىڭىز.
6. ەرتەڭگە قالدىرماڭىز
«ەرىنشەكتىڭ ەرتەڭى بىتپەس». قاي ءىستى بولسا دا، ورىنداۋعا قيىنسىنىپ، ەرتەڭگە ىسىرىپ تاستايمىز. ماقساتقا جەتكىڭىز كەلسە، بەرىلگەن جۇمىستى ءدال قازىر ورىنداپ تاستاڭىز. بۇل دا بارا-بارا بويىڭىزعا ءسىڭىپ، ەڭ جاقسى ادەت بولىپ قالىپتاسادى.
ەرىنىپ قالعانىمىز ءۇشىن ءوزىمىزدى تالاي جازعىرىپ، جازالاساق تا، ەرىنەمىز. ءبىراق، جالقاۋلىقتىڭ جاقسى جولعا اپارمايتىنىن تۇيسىنەتىن كەز جەتتى!
دەرەككوزى: «پسيحولوگ كەڭەستەرى»