ساۋد ارابياسىنىڭ فۋتبولشىلارى مىنگەن ۇشاق رەسەي اسپانىندا جانا باستادى
سپورتشىلار الەم چەمپيوناتى اياسىنداعى ماتچقا قاتىسۋ ءۇشىن روستوۆتاعى دون قالاسىنا ۇشىپ شىققان، دەپ حابارلايدى قازاقپارات تاسس اگەنتتىگىنە سىلتەمە جاساپ.
«رەسەي» اۆياكومپانياسىنىڭ ۇشاعى كوكتە جالىنداي باستاعانى تۋرالى حابارلامالار الدىمەن الەۋمەتتىك جەلىلەردە تاراي باستاعان.
كەيىن ساۋد ارابياسىنىڭ فۋتبول فەدەراتسياسى Twitter- دەگى رەسمي پاراقشاسىندا دۇيسەنبى كۇنى كەشكە امان-ەسەن جەرگە قونعانىن جازدى.
«ساۋد ارابياسىنىڭ فۋتبول فەدەراتسياسى بولماشى تەحنيكالىق اقاۋلاردان كەيىن ۇشاق روستوۆتاعى دون اۋەجايىنا قونعانىن جانە ۇلتتىق قۇرامانىڭ بارلىق مۇشەلەرى قاۋىپسىز جەردە ەكەنىن حابارلايدى. قۇراما مۇشەلەرى قازىرگى ۋاقىتتا توقتاعان مەكەن جايلارىنا اتتانۋدا»، - دەلىنگەن حابارلامادا.
الەۋمەتتىك جەلىلەردە تاراعان ۆيدەودا اۋە كەمەسىنىڭ قاناتىنىڭ استىندا، قوزعالتقىشقا جاقىن جەردەن وت تۇتانعانى كورىنەدى.
ايتا كەتەيىك، ساۋد ارابياسىنىڭ قۇراماسى 20 -ماۋسىم كۇنى الەم چەمپيوناتىنىڭ توپتىق كەزەڭىندە ۋرۋگۆايمەن كەزدەسەدى.