تاجىك بانكى يۋانمەن نەسيە بەرە باستادى

None
None
استانا. قازاقپارات - تاجىكستاننىڭ مەملەكەتتىك «اموناتبانك» ەلدە قىتاي ۆاليۋتاسىمەن نەسيە بەرە باستادى.

بۇل تۋرالى ازاتتىقتىڭ تاجىك قىزمەتى حابارلادى. مەملەكەتتىك بانك قىتاي كومپانيالارىمەن جۇمىس ىستەيتىن كاسىپكەرلەرگە يۋانمەن نەسيە بەرىپ، ونى سومانيمەن قايتارۋعا رۇقسات بەرىپ وتىر.

سوڭعى ۋاقىتتا تاجىكستاندا دوللاردىڭ ازايعانى ءجيى ايتىلا باستاعان.

«اموناتبانك» وزبەكستانمەن بايلانىس ورناتقىسى كەلەتىن كاسىپكەرلەرگە دوللاردا جەڭىلدىكپەن نەسيە بەرىلەتىنىن دە حابارلادى. بيىل كوكتەمدە وزبەكستان پرەزيدەنتى شاۆكات ميرزيايەۆتىڭ دۋشانبەگە ساپارى كەزىندە ەكى ەل بىرنەشە كەلىسىمگە قول قويعان. بۇل كەلىسىمگە ساي، تاشكەنت دۋشانبەگە تاجىك كاسىپكەرلەرىن قولداۋ ءۇشىن 100 ميلليون دوللار قارجى بولگەن.

سوڭعى جاڭالىقتار