قايرات نۇرتاستىڭ اناسى: كەلىنىم ۇناتپاسا، ءوزىم- اق جولاماۋعا تىرىسۋشى ەدىم

  استانا. قازاقپارات - تانىمال پروديۋسەر گۇلزيرا ايداربەكوۆا ۇلى قايرات نۇراستى قورعاپ سويلەدى. ءيا، انشىگە «اناسىنىڭ بالاسى» ، «ۇنەمى اناسىمەن جۇرەدى» ، «اناسىنىڭ ارقاسىندا تانىلدى» دەگەن ءتارىزدى سىندار ءجيى ايتىلادى.

الايدا قايراتتىڭ اناسى مەنى الاقانىنا سالىپ جۇرگەنى ءۇشىن، جۇرەگىنە تيەتىن سوزدەر ايتپاساڭىزدار ەكەن، دەيدى، دەپ جازادى Stan.kz.

گۇلزيرا ايداربەكوۆانىڭ ايتۋىنشا، قايراتتىڭ بالا كۇننەن بەرگى ارمانى اناسىن باقىتتى ەتۋ بولعان.

«قايراتىمنىڭ ەڭ العاشقى انىندە «تەڭىزدى دە كەشىپ ءوتىپ جەتپەي مە، ساعىنعاندا ءوز بالاسىن ارۋ انا» دەگەن جولدارى بار ەدى. بالامنىڭ اناعا دەگەن قۇرمەتىن بارشا انالاردىڭ ۇل- قىزدارىنا تىلەر ەدىم. كىشكەنتاي كەزىنەن بالا ارمانى مەنى باقىتقا جەتكىزۋ بولاتىن. سول ارماندارىن ورىنداپ، الاقانىنا سالىپ جۇرگەنى ءۇشىن، جۇرەگىنە تيەتىن سوزدەر ايتپاساڭىزدار ەكەن. مىسالى، نەگە اناسى جانىندا دەگەن سياقتى» ، - دەپ جازدى پروديۋسەر Instagram-پاراقشاسىندا.

ايداربەكوۆانىڭ ايتۋىنشا، ەگەر كەلىنى ۇناتپسا، بالاسى مەن نەمەرەلەرىنىڭ باقىتى ءۇشىن، ءوزى- اق ىرگەسىن اۋلاق سالار ەدى.

«كەلىنىم ۇناتپاسا، ءوزىم- اق ەش رەنجىمەستەن، بالامنىڭ باقىتى ءۇشىن: «جوق، بالاپاندارىم، مەنىڭ شارۋام كوپ» ، - دەپ، جولاماۋعا تىرىسۋشى ەدىم. ورتالارىندا باقىتتان باسىمنىڭ اينالىپ جۇرگەنى جۇلدىزىمنىڭ دا التىن جۇرەگى، ادال كەلىنىم بولعانى شىعار» ، - دەيدى گۇلزيرا ايداربەكوۆا.