عالىمدار ومىراۋدىڭ قاتەرلى ىسىگىنىڭ الدىن الۋعا مۇمكىندىك بەرەتىن ءادىستى اتادى
بۇل تۋرالى EurekAlert! باسىلىمىنا سىلتەمە جاساپ Stan.kz حابارلايدى.
ماماندار 2002-2017 -جىلدار ارالىعىندا 3325 ايەلدەن الىنعان مالىمەتتەردى جانە 1713 ايەل قاتىسقان زەرتتەۋ ناتيجەسىن تالداعان. زەرتتەۋدە قاتىسۋشى ايەلدەر قانداعى كالتسيفەديول (D توبى دارۋمەندەرى) مولشەرىنە بايلانىستى توپتارعا بولىنگەن. بايقالعانداي، 55 جاستان ءاسوان ايەلدەردىڭ بارلىعى ساۋ بولعان. عالىمدار ولاردىڭ جاعدايىن 4 جىل بويى باقىلاپتى.
وسى ۋاقىتتا ءسۇت بەزىنىڭ قاتەرلى ىسىگىنە شالدىققان 77 ايەل تىركەلگەن. انىقتالعانداي، قانىندا كالسيفەديول مولشەرى جوعارى بولعان (1 ميلليليترىندە 60 نانوگراممنان اسا) ايەلدەر D دارۋمەنىنىڭ قانداعى مولشەرى 20 نانوگراممنان اسپاعان قاتىسۋشىلارمەن سالىستىرعاندا، ونكولوگيالىق اۋرۋلارعا شالدىعۋ قاتەرى 5 ەسەگە تومەن بولعان.
زەرتتەۋشىلەردىڭ سوزىنشە، زەرتەۋ ناتيجەسىن ىندەت مالىمەتتەرى دە تولىقتىرادى. وعان سايكەس، ورگانيزمدەگى D دارۋمەنىنىڭ جەتكىلىكسىزدىگى مەن ەرەسەك جاستاعى ايەلدەردىڭ ومىراۋىندا قاتەرلى ىسىك پايدا بولۋىنىڭ اراسىندا بايلانىس بارى بايقالعان.
اتالعان دارۋمەننىڭ قانداعى مولشەرىن ءتيىستى دەڭگەيگە جەتكىزۋ ءۇشىن، ەمدامدىك قوسپالار جانە 4-6 مىڭ حالىقارالىق بىرلىگى بار تاعامداردى كۇندەلىكتى تۇتىنعان ءجون. D دارۋمەنى ءۇشىن حالىقارالىق بىرلىك زاتتىڭ 0,025 ميكروگراممىنا تەڭ. كۇندەلىكتى كۇن كوزىندە 10-15 مينۋت ءجۇرۋ ارقىلى بۇل مولشەردى ايتارلىقتاي تومەندەتۋگە بولادى.