كۇيزەلىستى ەمدەۋدىڭ جاڭا ءتاسىلى تابىلدى

  استا.قازاقپارات - امەريكالىق پسيحولوگتار انىقتاعانداي، كۇيزەلىسكە ۇشىراعان ناۋقاسقا سىيلىق بەرىلىپ، ميىنىڭ ەلەكترلىك بەلسەندىلىگى ارتاتىن بولسا بۇل ەمدەۋ تيىمدىلىگىنىڭ وبەكتيۆتى كورسەتكىشى بولا الادى.

 زەرتتەۋ ناتيجەلەرى The Journal of Clinical Psychiatry باسىلىمىندا جاريالاندى، دەپ حابارلايدى Baq.kz اقپارات اگەنتتىگى.

زەرتتەۋگە كلينيكالىق كۇيزەلىسكە ۇشىعاران 63 ناۋقاس قاتىستى. زەرتتەۋ بارىسىندا قاتىسۋشىلارعا ەكى ەسىك كورسەتىلدى. ولاردىڭ ءبىرىنىڭ ارتىندا شاعىن اقشالاي سىيلىق بولدى. ەگەر قاتىسۋشى سىيلىعى بار ەسىكتى تاڭداسا اقشانى وزىنە الاتىن، ەگەر ول ەسىكتى تاڭداماسا سىيلىقتان ايىرىلاتىن بولعان.

زەرتەۋدەن وتكەننەن كەيىن ناۋقاستاردى ەكىگە بولگەن. ءبىرىنشى توپقا 12 اپتالىق انتيدەپريسانتتار، ەكىنشى توپقا كۇندەلىكتى پسيحوتەراپيا جازىلعان. سونىمەن قاتار، باقىلاۋ توبىندا 25 ادام بولدى، ولار دا زەرتتەۋگە قاتىستىرىلدى، الايدا ولارعا ەمدەۋ شارالارى مۇلدەم جازىلمادى. ەمدەۋ ۋاقىتىسى اياقتالعاننان كەيىن، زەرتتەۋ تاعى دا قايتالاندى.

زەرتتەۋ ناتيجەلەرىنە سايكەس ميدىڭ ەلەكترلىك بەلسەندىلىگىنىڭ ارتۋى كۇيزەلىس بەلگىلەرى مەن قورقىنىشتىڭ ازايۋىمەن بالانىستى ەكەنى انىقتالعان. بۇدان باسقا، كۇيزەلىس كورسەتكىشى تومەن ادامدارعا پسيحوتەراپيادان گورى انتيدەپرەسانتتار كوبىرەك كومەكتەسكەن.

سونىمەن ساراپشىلاردىڭ قورتىندىسىنا سايكەس، العان سىياقىعا قاتىستى ميدىڭ ەلەكترلىك بەلسەندىلىگىنىڭ ارتۋى كۇيزەلىستى انىقتاۋعا جانە ونى ەمدەۋدىڭ وڭتايلى ءتاسىلىن تاڭداۋعا كومەكتەسە الادى.