جەڭىس قاسىمبەك پويىز اپاتىنا بايلانىستى پىكىر ءبىلدىردى
«كوميسسيانىڭ باسشىلىعى وقيعا ورنىندا جۇمىس ىستەپ جاتىر. تاڭەرتەڭنەن بەرى ەكسپەريمەنتتىك شارالار جۇرگىزىلدى. ويتكەنى بۇقارالىق اقپارات قۇرالدارىندا ءتۇرلى نۇسقالدار ءسوز بولىپ جاتىر. وسى ورايدا بۇگىنگى ەكسپەريمەنت بارىسىندا پويىزداردىڭ جاناما سوقتىعىسۋى الدىن الا راستالمادى. قازىرگى كەزدە بارلىق سەبەپتەر زەردەلەنۋدە»، - دەپ توقتالدى ۆەدومستۆو باسشىسى.
سونىمەن قاتار مينيستر تەمىرجول بويىنداعى قوزعالىس قالپىنا كەلتىرىلگەنىن ەسكە سالىپ ءوتتى.
ج. قاسىمبەكتىڭ اتاپ وتۋىنشە، پويىز اپاتىنىڭ ءمان-جايىنا قاتىستى جانە وزگە سۇراقتارعا بايلانىستى ارنايى باسپا ءسوز ءماسليحاتى وتەدى.
«زارداپ شەككەندەر مەن قازا بولعان ادامعا قاتىستى وتەماقى بويىنشا شەشىم ق ت ج- مەن بىرلەسە جاسالادى. جالپى، تەكسەرۋ شارالارى ءتيىستى ۋاقىتتى قاجەت ەتەدى»، - دەدى جەڭىس قاسىمبەك.
مۇنىمەن قوسا ول كوميسسيا وكىلدەرى پويىز ماشينيسىنىڭ ءىس-قيمىلدارىنا دا باعا بەرەتىنىن جەتكىزدى.
«كەز كەلگەن كولىك قۇرالى، ياعني تەمىرجول جولاۋشىلار قۇرامى مىندەتتى تۇردە قاجەتتى جوندەۋ جۇمىستارىمەن جانە باسقا دا شارالارمەن قامتىلادى. اتاپ ايتقاندا، بۇل تالاپتار قاتاڭ تۇردە ورىندالادى. ەگەر دە پويىز جولعا شىقسا، وندا وسى كولىك تەحنيكالىق تۇرعىدا دۇرىس بولعانىن بىلدىرەدى»، - دەدى ج. قاسىمبەك.
ەسكە سالا كەتسەك، جامبىل وبلىسىندا استانادان الماتىعا بارا جاتقان جولاۋشىلار پويىزى اپاتقا ۇشىراعان بولاتىن.
ءسال كەيىنىرەك «قازاقستان تەمىر جولى» ۇلتتىق كومپانياسى «استانا-الماتى» باعىتىندا قاتىنايتىن پويىزدىڭ اپاتقا ۇشىراۋىنا قاتىستى رەسمي مالىمدەمە جاساپ، وقيعانىڭ شىعۋ سەبەبىن تەكسەرەتىن ارنايى كوميسسيا قۇرىلعانىن جاريا ەتكەن ەدى.
جامبىل وبلىستىق ت ج د باسپا ءسوز قىزمەتىنىڭ دەرەگى بويىنشا، ءتۇرلى جاراقاتتارمەن شۋ اۋداندىق ورتالىق اۋرۋحاناسىنا 14 جولاۋشى جەتكىزىلدى.
قازىر ەمدەۋ مەكەمەسىندە 48 جاستاعى استانا تۇرعىنىنان باسقاسى ءوز ەرىكتەرىمەن اۋرۋحانادان شىققان. زارداپ شەككەن استانا تۇرعىنىنىڭ ەكى اياعى سىنىپ، ەم قابىلداپ جاتىر، دەپ ءتۇسىندىردى وڭىرلىك ت ج د باسپا ءسوز قىزمەتىنىڭ وكىلى ساۋلە مۇناتايەۆا.