باقىتجان ساعىنتايەۆ دۇنيەجۇزىلىك بانك پەن حالىقارالىق قارجى كورپوراتسياسىنىڭ ۆيتسە-پرەزيدەنتتەرىمەن كەزدەستى

استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ دۇنيەجۇزىلىك بانك پەن حالىقارالىق قارجى كورپوراتسياسىنىڭ ۆيتسە-پرەزيدەنتتەرى سيريل ميۋللەرمەن جانە دجوردجينا بەيكەرمەن كەزدەسۋ وتكىزدى.

كەزدەسۋ بارىسىندا قازاقستاننىڭ ينۆەستيتسيالىق احۋالىن ودان ءارى جاقسارتۋدىڭ نەگىزگى باعىتتارى تالقىلاندى. اتاپ ايتقاندا، الداعى بەس جىلعا ارنالعان سەرىكتەستىك ستراتەگياسىن دامىتۋ، قازاقستاننىڭ ەكسپورتتىق الەۋەتىن كەڭەيتۋ، بيزنەس احۋالىن جانە مەملەكەتتىك ينستيتۋتتاردى نىعايتۋ، سونداي-اق ادام كاپيتالىن ايتارلىقتاي كۇشەيتۋ ماسەلەلەرى قارالدى.

ىنتىماقتاستىق ورناعان ۋاقىتتان بەرى دۇنيەجۇزىلىك بانك قازاقستانعا 46 جوبانى قارجىلاندىرۋ ءۇشىن $8,1 ميللياردتان استام قارىز بەرگەن. بۇگىنگى تاڭدا دۇنيەجۇزىلىك بانكتىڭ جوبالار قورجىنى 22 جوبادان تۇرادى، ونىڭ ىشىندە 7 اعىمداعى جوبا جانە 15 جوبا جالپى $4,1 ميلليارد سوماسىنا سەرىكتەستىك تۋرالى كەلىسىمدەر اياسىندا ىسكە اسىرىلۋدا. اعىمداعى جوبالاردىڭ قورجىنى $3,2 ميلليارد سوماسىنا 7 جوبانى قامتيدى.